春天潮濕易生霉菌│4個吸濕防霉恩物| likemagazine.com.hk
Beauty & Health
春天潮濕易生霉菌│4個吸濕防霉恩物

春天潮濕易生霉菌│4個吸濕防霉恩物

春天天氣潮濕,當家中濕氣過重時,牆身、地板等出水珠,全屋散發霉味,除咗令人周身不舒服,原來仲會影響健康。造成發霉現象嘅黴菌,會釋放出過敏物質,引發過敏或氣喘,部分毒性強嘅黴菌更可能引起病變致死亡。

 

霉菌可致過敏

黴菌係一啲極為微小嘅真菌,溫暖和潮濕環境促進黴菌滋長,成為肉眼可見嘅黴菌菌落。當大量黴菌出現,就可能散發難聞氣味,並對一啲人造成健康問題。對黴菌過敏者會有類似花粉或動物過敏嘅過敏反應,例如:流鼻水、眼睛刺痛和皮膚紅疹;另也可能會出現類似感冒嘅症狀如:咳嗽、鼻塞、頭疼和疲倦等。此外,黴菌可能加重哮喘病。不過,大部分症狀都屬短暫,只要解決黴菌問題,症狀就會消失。

 

簡易防霉妙法

黴菌嘅出現需要3個條件:足夠嘅氧氣、溫度 20 度以上,以及濕度百分之 80 以上。另外,因為黴菌非常細小,基本上一般濾網唔可以完全濾淨,所以最簡單消滅黴菌嘅方法就係從防止黴菌生長落手。由於氧氣無法隔絕,所以要預防黴菌增生就要保持環境通風、經常換氣,營造出黴菌討厭嘅環境。若果發現硬表面有小量黴菌,一般用清潔劑和水清洗就可以;如黴菌數量多,可試用漂白水殺死黴菌。清潔和保持乾燥係解決黴菌問題嘅關鍵。在陰暗、難通風及容易弄濕嘅地方,放置以下東西,都有助吸除濕氣。

 

1. 木炭或竹炭

木炭或竹炭因為經高溫處理,表面氣孔多於一般燒烤用嘅炭,所以更能吸附濕氣,還可除臭辟味。木炭或竹炭用耐咗濕氣重,曬乾後可重複使用,不傷害環境。

 

2. 梳打粉

在廚房裡可以搵到嘅梳打粉,唔止係烹調嘅好幫手,更具吸濕功效。將梳打粉用小碗子裝起嚟,然後放在櫃內,便成為天然吸濕器。梳打粉吸咗濕氣後會結成塊,呢個時可當作清潔劑刷洗潔面盆、浴缸等,去污同時可防黴。

 

3. 咖啡渣

沖咖啡後剩下嘅咖啡渣具有吸濕及除臭雙重效果,取適量放在絲襪或紗布袋裡,做成吸濕包。

 

4. 洗衣粉

洗衣粉都係除濕恩物,買返嚟後,在塑膠包裝袋上拮幾個小孔,然後放置喺需要吸濕嘅地方就可以。洗衣粉吸飽水後會結成塊,雖然吸濕力大降,但仍可用嚟洗衫,一啲都唔浪費。溫馨提示,由於洗衣粉含化學物及香精,不建議放近食物。

 

 

你或會有興趣的相關文章:

回南天慎防口罩受潮發霉│口罩防潮處理須知

新鮮麵包擺幾日發咗霉│搣走發霉部分食唔食得?

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適