越南麵包店用滯銷火龍果做包餅│夢幻粉紅法包超紅賣| likemagazine.com.hk
Business
越南麵包店用滯銷火龍果做包餅│夢幻粉紅法包超紅賣

越南麵包店用滯銷火龍果做包餅│夢幻粉紅法包超紅賣

新冠肺炎疫情影響下,經濟和商業活動被拖累。做生意嘅,貨品賣唔出點算好?靈活變通永遠係生存之道。越南有麵包店老闆有見越南產嘅火龍果因中越邊境關閉而濟銷,果農損失慘重,於是見招拆招,用火龍果做麵包蛋糕,結果粉色系麵包和西餅獲當地人垂青,非常熱賣,逆市中創銷售佳續。

 

疫情封關火龍果滯銷

加入火龍果製造嘅麵包和西餅,能夠成為越南逆市中神話,引來大量顧客排長龍輪候購買,因為其粉紅色給人好夢幻感覺。越南盛產火龍果,火龍果除供應本地市場外,亦大量出口。但在新冠肺炎疫情下,火龍果出口都受影響,大量火龍果更因未及外銷而熟到爛。

 

夢幻粉紅法包

胡志明市一間連鎖麵包店嘅老闆不忍果農辛苦種出嚟嘅火龍果變成垃圾,靈機一觸,將火龍果打成汁,加入麵粉裡,造出別具水果香氣而且呈夢幻粉紅色嘅法式麵包。火龍果法包推出後,熱爆網絡,人們爭相到店排隊購買。據悉,麵包店在三星期內用上6600磅火龍果造麵包,即使日產2萬個都唔夠賣,結果要限購,每人限買5個。

 

當地食材造麵包

火龍果法包大受歡迎,麵包店陸續推出更多新款產品,另一款話題作係火龍果軟包,內餡就係當造榴槤蓉。老闆話會嚐試多用當地食材造麵包西餅,一方面應對新冠肺炎對市道嘅影響,一方面為當地農業增值,尋求更多出路。

 

 

你或會有興趣的相關文章:

火龍果低熱量高纖│紅肉白肉營養大不同

甜食帶來好心情│識揀識食日本當造士多啤梨

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章