關節痛食豬腳以形補形?在家跳繩強肌健骨更好| likemagazine.com.hk
Beauty & Health
關節痛食豬腳以形補形?在家跳繩強肌健骨更好

關節痛食豬腳以形補形?在家跳繩強肌健骨更好

中國人飲食文化中,有「以形補形」嘅說法,當身體哪個部分出問題,食番動物同一部位就可以補番。上落樓梯見膝頭痛,關節出問題,於是有人食豬皮、豬腳、魚皮、牛筋、豬軟骨等富含膠質嘅食物,深信可以補一補,但有營養師話咁食係無用架!食用過量,反而會致肥及膽固醇超標。

 

膠原蛋白去唔到關節

從營養學角度,豬皮、豬腳等食物食咗落肚後,膠原蛋白經腸胃道消化吸收,會被分解成小分子嘅胺基酸。胺基酸進入血液後會被送到肝臟,和其他食物來源嘅胺基酸,以及身體自己合成嘅胺基酸,一起存入肝臟嘅胺基酸原料庫中。當身體各個組織需要合成新嘅蛋白質時,就會從胺基酸原料庫去選取,以維持新陳代謝。如果過量攝取蛋白質(包括膠原蛋白),身體有太多胺基酸,就會被轉變成熱量,或儲存成脂肪。簡單講,唔係你食多啲含豐富膠原蛋白嘅食物,就可以去到關節等部位,補補關節軟骨。如要強健關節,減緩痛楚,建議由兩方面入手:增強「骨密度」和「肌耐力」。

 

攝取鈣和維他命D強骨

先講「骨密度」,要骨骼強健必要攝取込夠鈣質,多吃牛奶、小魚乾、堅果等食物有幫助。另外,鈣要搭配維他命D,才能被身體好好吸收。曬太陽可令身體製造維他命D,每天約曬十至十五分鐘就可以。同時,適量食用深海魚類、蕈菇類、奶類及乳製品、雞蛋等富含維他命D嘅食物都有幫助。真係無時間曬太陽,先考慮食補充劑。

 

跳繩練肌肉防骨質疏鬆

至於「肌耐力」,就要靠運動。多數膝蓋關節痛係因為包覆膝蓋嘅肌肉強度不足所造成。肌肉可穩定並支撐膝關節、帶動關節動作,肌肉夠強壯,就可分散膝關節的壓力、減輕關節承受全身體重的負擔,減少關節間的磨損;相反地,如果肌肉太弱,力量就會全部壓在膝關節,軟骨長期偏薄,關節磨損劇烈,增加退化、疼痛機會。40歲之後,肌肉質量每十年下降8%,到了70歲過後更加速到每十年減少15%。所以熟齡後如要減輕關節痛,通過運動,鍛鍊肌肉有一定幫助。運動除強化肌肉外,更能保持軟骨濕潤營養。做乜運動好呢?有研究指出,喺屋企跳下繩,半年後骨密度增加3%,,原理係彈跳過程中,用自身重量鍛鍊膝蓋附近嘅大腿肌肉,預防骨質疏鬆。

 

 

你或會有興趣的相關文章:

宅在家避疫情│長時間坐少活動易患血栓

常著高跟鞋腳痛又痺│一個網球緩減腳痛

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
起居生活清潔消毒│抗菌和殺菌有分別!起居生活清潔消毒│抗菌和殺菌有分別! 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨? 疫情下被迫在家工作│4招擊退腰痠背痛疫情下被迫在家工作│4招擊退腰痠背痛 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 銀髮族要多吃蛋白質│加強肌肉力量健骨骼銀髮族要多吃蛋白質│加強肌肉力量健骨骼 健康飲食少糖少鹽│提防4款調味醬隱藏高糖高鈉健康飲食少糖少鹽│提防4款調味醬隱藏高糖高鈉 係時候減走肥肉│朝早食水煮蛋輕鬆瘦身係時候減走肥肉│朝早食水煮蛋輕鬆瘦身 銀髮族每日行10分鐘│保持行動機能增記憶力銀髮族每日行10分鐘│保持行動機能增記憶力