提子外皮白霜係農藥?泡洗時加呢樣乾淨晒!| likemagazine.com.hk
Beauty & Health
提子外皮白霜係農藥?泡洗時加呢樣乾淨晒!

提子外皮白霜係農藥?泡洗時加呢樣乾淨晒!

提子又香又甜,營養價值豐富,大人小朋友都愛吃。但係在選購提子時,好多人一見提子皮上披住一層白霜,就認定係農藥,覺得食咗無益。事實又係咪咁呢?如要洗走白霜,又有乜方法呢?

 

大部分農藥溶於水

美國農業部(USDA)早幾年曾經發布一份蔬果農藥殘留測試數據,指出果農喺種植葡萄嘅時候,會施用致癌、干擾激素、及損害神经嘅農藥。雖然測試嘅係美國蔬果,但由於香港大量依靠進口水果,數據值得參考。2019年美國環境工作組織(The Environmental Working Group)透過美國農業部對 47 種受歡迎嘅蔬果進行農藥蔬果檢驗,含最多農藥殘留的10 款蔬果作為Dirty Dozen,提子排在第六位。果農種植提子時為免蟲害,使用農藥少不免。其實,大部分農藥均可溶於水,大家喺進食前,一般用水已可洗走大多數嘅殘餘農藥。穩妥一點嘅清洗方法係,先用清水浸泡二十分種,然後用流動清水徹底沖洗乾淨,浸泡有助將農藥或凝固物「浸鬆」,其後沖洗污物就更易脫掉,但記住毋須浸泡過久,以免水果營養受破壞。

 

白霜係天然分泌

至於大家買提子時,常見表面有層白霜,有人以為白霜係農藥。其實,提子上嘅白霜係葡萄自身分泌出來嘅糖醇類物質,俗稱「果粉」,無毒無害。由於糖醇類不溶於水,白霜可以避免提子表面吸附水分,形成潮濕環境令病菌滋生,也可防止提子採摘後因失水速度過快而皺縮。有人為怕提子皮殘留農藥,或者討厭提子皮上嘅白霜,食提子時會去皮。其實提子皮當中含有多酚、胺基酸、白藜蘆醇,能預防動脈硬化,對心血管有保健效果,也能緩解神經衰弱、過度疲勞等。食提子不食皮,就白白浪費咗提子裡好多珍貴嘅營養。若果你真係唔想將白霜食落肚,點清洗呢?洗提子時,加入適量粟粉或麵粉,再用清水浸泡一下,提子上嘅白霜就可洗掉。

 

 

你或會有興趣的相關文章:

勁食菜唔等於食夠纖維│多食菜記住要多喝水

港女缺鐵易疲倦臉青青│食飯配茶啡影響鐵吸收

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學