蔬果切開營養流失│冷凍蔬果保存更多營養| likemagazine.com.hk
Beauty & Health
蔬果切開營養流失│冷凍蔬果保存更多營養

蔬果切開營養流失│冷凍蔬果保存更多營養

打工仔工作忙,三餐唔定時,又無時間自己煮,出街食飯,未必可以食到足夠份量嘅蔬菜,所以有人會買現成嘅沙律盒或生果杯,以為咁就夠晒數。無錯,蔬菜係食咗落肚,不過營養可能無法攝取!原來蔬果切開後,營養便不斷流失;而且部分商販為使盒內蔬果保持靚樣,可能添加抗氧化劑和防腐劑,多食無益啊!

 

攝取蔬果不足損健康

大部分蔬果天然、低脂和低熱量,而且人體提供各種營養要素,所以每日食足夠蔬果,有助預防多種疾病。喺均衡飲食中,每天應進食最少兩份水果及三份蔬菜,以促進健康。不過,好多人天天為生活忙碌,食飯主要目的係填肚,營養次要,因而長期食唔夠蔬果。長期食蔬果攝取量不足,容易便秘,影響腸道健康,嚴重甚至提升患心臟病、中風等機會。

 

營養由切開一刻流失

為咗每日食夠菜,有人會買現成嘅沙律盒或水果盒,盒內蔬果已經洗切好,食用好方便。雖然呢類食品免卻自己動手整嘅麻煩,但食落肚嘅蔬果可能已經無晒營養。其實新鮮蔬菜從採摘下來嘅那一刻開始,營養就開始流失。以維他命C等水溶性營養素為例,由蔬果切開一刻開始,就隨著時間嘅流逝不斷地由切面流失。有商販為使經洗切嘅蔬果唔會變色,長時間都保持「新鮮」狀態,可能往裡添加抗氧化劑和防腐劑,或者將蔬果浸泡過消毒液。雖然呢啲添加物都係可食用,但始終非天然,多食無益。

 

冷凍蔬果保鮮保營養

如果上班族真係要攝取足夠蔬果,最好唔好買已經切開嘅,建議盡量買一整顆完整嘅,確保營養無流失。其實好多蔬果都食用方便,例如:小番茄、香蕉、蘋果等,買後洗一洗,不用切開剥皮等工序,便可立即食用。另外,超市冷凍櫃內一包包嘅冰凍蔬菜,都食用方便,值得上班族考慮。冷凍蔬菜包內嘅蔬菜,採收後立刻以急速低溫、瞬間冷凍後放入包裝內,整個過程唔止保鮮,更完整保存蔬菜嘅營養成分。相比我哋從街市買到嘅菜,可能營養保存得更好。因為蔬菜由採收一刻起,營養已經在流失,等到我哋喺街市買返屋企,再放入雪櫃存放,到要食時再拎出來煮,蔬果嘅營養價值其實已經大不如前。

 


你或會有興趣的相關文章:

人到中年膽固醇高│早上食番茄助心血管健康

疫情持續出街食飯好危險│儲糧抗疫蔬果保鮮Tips

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 未潔手就摸面增染疫風險|專家教3招控制不自覺摸面未潔手就摸面增染疫風險|專家教3招控制不自覺摸面 逆市暴食甜心情更差│研究:食得健康更減壓逆市暴食甜心情更差│研究:食得健康更減壓 便秘要多攝膳食纖維?亂食或過量排便更難便秘要多攝膳食纖維?亂食或過量排便更難 熟齡人士咀嚼困難少食肉│增患肌少症手腳軟易跌倒熟齡人士咀嚼困難少食肉│增患肌少症手腳軟易跌倒 小朋友過敏痛在父母心│食益生菌刺激免疫減過敏小朋友過敏痛在父母心│食益生菌刺激免疫減過敏 疫情下被迫在家工作│4招擊退腰痠背痛疫情下被迫在家工作│4招擊退腰痠背痛