洗手後再噴酒精雙重保障? 酒精使用過量自破防疫保護| likemagazine.com.hk
Beauty & Health
洗手後再噴酒精雙重保障?酒精使用過量自破防疫保護

洗手後再噴酒精雙重保障? 酒精使用過量自破防疫保護

本港確診新冠肺炎個案數字累計91宗,病毒仍在社區擴散中。面對疫情,市民大眾可以做嘅係做好防疫措施,盡力保護自己,唔好因為麻煩而偷懶唔做。防疫工作重點之一係勤洗手,有人擔心洗手未夠乾淨,洗手後會用酒精再噴手,以為咁做會有雙重保障,原來做多咗,反而破壞防疫工夫!

 

刺激造傷口易感染

為防新冠肺炎疫情進一步擴散,大家都明白洗手嘅重要。正確洗手要點做,相信大家都知道。不過睇住確診數字不斷攀升,而且多個社區都有疫情,心理上,就算洗咗手,有人仍擔心自己有機會沾到病毒。於是,洗手後,有人會喺雙手再噴酒精,以為咁可以得到多一重保障。不過,大家要理解一點,就係酒精噴手係折衷方法,即係當大家無辦法用清水和梘液潔手時,先用酒精來取代,殺滅手上嘅細菌病毒。酒精唔可以完全取代洗手,而且酒精對皮膚有一定刺激性。若過度使用,容易令皮膚乾癢,緊繃,甚至出現過敏、脫皮等情況。嚴重嘅話,雙手出現接觸性皮膚炎,當手上有傷口,反而增加細菌感染機會,自以為加強保障,點知自破保護讓細菌乘虛而入。

 

使用酒精用品潔手注意事項

使用酒精搓手液或噴霧潔手時,大家要記住幾點:

 

1. 不能完全取代洗手

當手上有明顯和大粒污垢時,以流動清水及梘液潔手較理想。

 

2. 濃度和用量要適中

好多人有錯誤觀念,酒精濃度愈高,殺菌力愈強。其實75%濃度嘅酒精已能穿透病菌,引起蛋白質變性、降解,導致病毒、細菌死亡。另外,雖然酒精搓手液等產品市面供應仍不穩定,但大家咪因為擔心用晒就冇而慳住用。潔手時用量不足,會令消毒效果大打折扣。

 

3. 噴灑後未充分搓揉

無論你用潔手啫喱、液體或噴劑,噴或擠咗落雙手後,都要好似洗手咁,搓均雙手7個部位,包括手心、手背外、指尖、指縫、虎口、手腕等,直到酒精揮發,先真正達到消毒作用。

 

 

你或會有興趣的相關文章:

以為防疫勤洗手就掂?洗手後無立即抹乾手│增菌達84%

勤洗手雙手易變乾│潤手霜護手要點揀?

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
台檢出花草茶產品農藥超標│泡茶點至安心?台檢出花草茶產品農藥超標│泡茶點至安心? 雞蛋營養豐富助大腦發育│日本媽媽創意便當激發食慾雞蛋營養豐富助大腦發育│日本媽媽創意便當激發食慾 身體出現呢4個症狀│警告你食得太鹹身體出現呢4個症狀│警告你食得太鹹 聽住歌跑步唔止更放鬆│強勁節奏有助提升運動表現聽住歌跑步唔止更放鬆│強勁節奏有助提升運動表現 無證據顯示貓狗會傳播病毒│ 寵主負責任勿棄養寵物無證據顯示貓狗會傳播病毒│ 寵主負責任勿棄養寵物 夜晚吹住風扇瞓快入眠│小心風邪入侵傷身夜晚吹住風扇瞓快入眠│小心風邪入侵傷身 小朋友過敏痛在父母心│食益生菌刺激免疫減過敏小朋友過敏痛在父母心│食益生菌刺激免疫減過敏 燕麥健康營養豐富|揀錯種類血糖暴升更致肥燕麥健康營養豐富|揀錯種類血糖暴升更致肥