老友記常悶在家損健康 3招鼓勵長者走出去| likemagazine.com.hk
Beauty & Health
老友記常悶在家損健康		3招鼓勵長者走出去

老友記常悶在家損健康 3招鼓勵長者走出去

家有一老如有一寶。不過當家中老友記經常待在家,唔多願郁,作為家人除咗擔心佢哋少活動影響身體健康,亦會擔心佢哋悶到情緒出問題。外國有研究指出,老友記與相識嘅人或周邊社會關係互動愈多,愈傾向多身體活動,較少負面感受,有助提升認知能力及身心健康。但係好多老友記家性格頑固唔聽講,點至可以鼓勵佢哋多啲外出活動,強健身心呢?

 

悶在家少活動損身心

老友記隨著年紀增長,機能退化,身體毛病多,成日呢度痛嗰度唔舒服,因而減低佢哋外出活動嘅意欲,變成鍾意留喺屋企,長時間坐住睇電視。然而長期少活動,對身體影響更大,健康日差。過去好多研究都指出,建立持續規律的運動習慣,對血糖、血脂肪、心肺功能、情緒、睡眠及認知功能都有正向的影響。但,點至可以請得郁班老友記,令佢哋肯外出行行走走,呼吸一下新鮮空氣,伸展下手腳,與其他人交際聯誼,增加與外界嘅互動呢?有醫生建議3招。

 

1 增加動機

做事要有動機。無端端要本來唔願郁動嘅老友記外出走走,妙想天開!好多老友記唔肯外出,其中一個原因係擔心成為家人嘅負擔。好多老友記知道自己手腳唔靈活,怕出外時唔小心跌倒,家人知道會鬧,若受傷更要家人擔心。另外,老友記其實都好精靈,見到同住家人生活忙,都唔忍心要家人陪外出,情願犧牲自己,坐喺屋企。所以,要成功叫得郁老友記,首先要令佢哋知道,佢哋咁做唔會為家人帶來負擔,多啲正面和鼓勵說話,令佢哋明白適量外出走動嘅好處,提升佢哋外出活動嘅動機。

 

2 賦予任務

又係嗰句,無端端叫習慣匿喺屋企嘅老友記出街,佢哋多數唔肯。出師要有名,照顧老人家有時同湊小朋友好似,你可以畀個簡單任務佢,例如:去街市買菜買麵包等,令佢覺得外出有必要,同時可以幫到你。完成任務有滿足感和成就感,都有助鼓勵佢哋下次再外出。

 

3 多分享

人係群體生活,喜歡分享。無人喜歡孤獨地過,老友記不喜歡出門,少與他人互動,可能因為沒有與他人溝通嘅話題。不妨鼓勵老友記多啲同人分享,例如將你買回來嘅食物與鄰居、親友分享,便可增加佢哋接觸人群嘅機會。

 

 

你或會有興趣的相關文章:

補鈣唔係老人和女人專利│補鈣搭配維他命D效果更佳

頻頻無記性可能係腦退化先兆│5個健腦Tips

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適