補鈣唔係老人和女人專利 鈣搭配維他命D效果更佳

鈣隨著年紀增長，身體內某啲養分會慢慢流失，鈣就係其中一種。提起補鈣，好多人抱住一個想法，就係老人和女人嘅先要做嘅事。錯錯錯！剛剛提到，年紀愈大，鈣會流失，所以任何人都需要補鈣，連正在成長中嘅小朋友，都需要補鈣，促進骨骼牙齒等健康。補鈣唔係隨便飲杯奶就可以，要有效補鈣，你要知道更多。

缺鈣骨質易疏鬆

鈣係人體中含量最高嘅礦物質，約99%嘅鈣存喺骨骼和牙齒裡，剩餘約1%分布喺血液中，有 助血液凝固、協助肌肉收縮等功用。當血鈣不足，骨鈣會被提取到血液中，以維持血鈣水平。若然情況持續，骨骼便會因失鈣過多而變得疏鬆、脆弱，甚至易折斷。另外，體內鈣質不足，牙齒也會變黃、蛀牙或是容易出現損傷。根據衞生署資料，成年人每人建議攝取鈣量為1000毫克，50歲或以上則為1000至1300毫克。

食物中含鈣量

1000毫克係咩概念呢？即係幾多呢？ 日常食乜先可以攝取鈣呢？以下係一些食物含鈣量參考數字。

全脂牛奶                            1 杯 (240毫升)                 271毫克

低脂牛奶                            1 杯 (240毫升)                 288 – 338毫克

高鈣脫脂奶                       1 杯 (240毫升)                 490毫克

片裝芝士                            2 片 (40克)                        222 - 326毫克

加鈣豆奶                            1 盒 (約 240毫升)           220 – 400毫克

普通豆漿                            1 杯 (240毫升)                 14 – 72毫克

板豆腐                                 ½ 磚 (200克)                    232 - 402毫克

豆腐花                                 1 碗 (302克)                      260毫克

芝麻糊                                 1 碗 (289克)                      214毫克

罐裝連骨沙丁魚             3 條 (160克)                      294毫克

保健品補鈣宜選天然鈣

若真係真係真係無法從日常飲食裡攝取足夠嘅鈣，有人會藉由保健食品補鈣。不過，你知道幾時服用呢啲保健品，效果較理想呢？原來係臨瞓前。睡前補鈣可以減少因進食產生嘅交互作用，同時提高吸收率與生物利用率。講到保健品，市面上鈣保健品有很多，而且鈣嘅種類都多到令人眼花，例如：海藻鈣、碳酸鈣、磷酸鈣、牡蠣鈣、珍珠鈣、檸檬酸鈣、乳酸鈣等，選擇起嚟好困難。其實呢啲鈣有乜分別呢？簡單分類，可分為全素或非全素；另外，有啲係化學合成，有啲成分來自天然食物。點揀至好呢？老土講一句，天然當然最好，化學嘢少食為妙。提多一點，選購時要留意吸收率。唔係含鈣量多就最好，若果所用嘅鈣，人體吸收率差，再多量嘅鈣都係白費。由於過量攝入鈣質可能有損健康；建議每天從食物加上補充劑攝取的鈣質唔應該超過2000毫克 。

補鈣搭配維他命D

要有效地補鈣，單靠從食物或保健品攝取鈣質唔得架！一定要有埋鈣嘅好拍檔─維他命D。唔少研究都指出，補鈣搭配維他命D先可以相輔相成。維他命D可促進小腸嘅鈣吸收，並維持適當嘅血鈣濃度。

你或會有興趣的相關文章：

潮流興美白牙齒│牙齒偏黃唔正常？

罐頭食物唔健康？罐頭魚和番茄比天然食物更有營

逆市搵工無有怕！即睇最新熱門招聘公司：http://bit.ly/2OQKwP1

TEXT: MaryLin