快速解辣飲水唔得架!真正解辣靠呢啲| likemagazine.com.hk
Beauty & Health
快速解辣飲水唔得架!真正解辣靠呢啲

快速解辣飲水唔得架!真正解辣靠呢啲

飲食口味中,辣叫人又愛又恨。喜歡辣嘅人就係鍾意味蕾得到嘅無比刺激感,舌頭麻麻,嘴巴像著火一樣,超爽!不過不愛吃辣嘅人,一食就呱呱叫,因為滿嘴麻燙感覺好難受。若你係後者,不鍾意食辣,但又無意中食到辣,點算好?坊間流傳唔同解辣方法,究竟邊種方法最有效呢?

 

辣椒素作怪

要知道解辣方法,先要知道點解我哋會覺得辣。食辣椒時,我哋覺得辣,因為當中嘅辣椒素作怪。辣椒素會令舌頭、嘴巴產生持續灼熱感。其他同樣令人嚐到辣味嘅食物如山葵、薑、黑胡椒等,由於辣味來自唔同化合物,產生嘅辣味無辣椒咁強咁持久。

 

飲水辣上加辣

食到辣味,好多人第一時想飲水,但其實辣椒素只溶喺油脂和酒精,唔會溶於水,所以無論你飲幾多水都解唔到辣。飲水更會將辣椒素沖散到整個口腔,令口腔內更多痛覺受體接觸到,令人覺得辣上加辣。食到辣時剛好身邊無其他解辣嘅嘢,只可以飲水嘅話,選擇冰水會比飲暖水好,因為辣椒素會刺激神經感覺溫度升高,飲暖水助升溫,感覺更辣:相反,凍水可以稍微降低灼熱感,消減辣味感覺。

 

速效解辣5

1 雪糕或凍牛奶

乳製品含有油脂和酪蛋白,可以溶解辣椒素並消除灼熱感。

2 糖或 蜂蜜水

辣到跳舞?快快食粒糖,可中和辣味!飲杯蜂蜜水都得,除咗甜味可消減辣味,亦可以在胃的表層形成一層保護黏膜,以減輕辛辣食物對胃部的刺激作用。

3  薯仔或飯

薯仔和白飯都含有豐富澱粉,澱粉可以吸收辣椒素,雖然唔係立即解辣,但可以縮短食辣而得到嘅刺激感。

 

 

你或會有興趣的相關文章:

冬天腳仔凍冰冰瞓唔到│著襪瞓生蘿蔔仔香港腳

 

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學