頻頻無記性可能係腦退化先兆│5個健腦Tips| likemagazine.com.hk
Beauty & Health
頻頻無記性可能係腦退化先兆│5個健腦Tips

頻頻無記性可能係腦退化先兆│5個健腦Tips

年紀大無記性,以為老人家經常唔得呢樣嗰樣好平常?原來未必!若果老人家無記性情況頻繁,可能係患腦退化嘅先兆。如果家人能及早識別老人病況,並把握黃金治療期,可以減慢病情惡化和減少醫療費用。

 

腦退化嚴重可致死亡

腦退化症,以前被稱為「老人痴呆症」,係一種令人記憶和認知能力逐漸衰退嘅疾病,嚴重可引致死亡。患者最初記憶力轉差,及後語言能力、距離感判斷、執行力、計算及決策都受影響,日常生活規律大受影響,情緒都會變得不穩定,性情大變。到咗病患後期,患者失去自理能力,行動困難,需要依賴他人照顧。腦退化症平均持續約10年,由診斷至死亡約為320年不等。喺香港,每1065歲或以上的長者,就有1位患認知障礙症;85歲以上的長者,每3名就會有1名患者。隨著香港人口老化,患者人數將不斷增加。

 

健腦Tips

腦退化症暫時未能根治,但有研究顯示,多用腦較少患上呢個病,但依家仍未有充分證據顯示環境因素可令人患上腦退化症。生活上多注意大腦健康,有助減低患腦退化嘅機會。

 

1 多用腦

小時候經常被阿媽鬧:「再唔用腦,你個腦就廢。」原來真有其事!原來大腦嘅發展係依循「用進廢退」原則,所以唔想個腦退化,平時要多用腦思考,多做益智活動如下棋、打麻將、閱讀等,持續訓練腦袋。

 

2 均衡飲食

飲食和健康有密切關係。最近有研究顯示,食物可能在大腦健康和預防腦退化方面有關鍵作用。雖然暫時證據唔多,但健康飲食總對健康好。腦部需要7大營養元素,包括:碳水化合物、蛋白質、脂肪、維他命C、維他命B雜、卵磷脂、礦物質來維持運作。因此,日常飲食均衡,腦部健康,轉數快又醒啲。至於公認為健腦嘅食物如:核桃、魚類、雞蛋、莓果、牛奶等,多食少少無妨,但凡飲食適可而止先係王道。

 

3 常運動

常運動,健康好,而且可以刺激腦部,令人產生愉悅和滿足感,減緩神經細胞流失嘅速度。培養每日運動習慣,每日至少30分鐘,簡單如步行、做家務等都可,都有健腦作用。

 

4 充足休息

雖然話要多用腦,但唔等於唔俾個腦休息。每日維持68小時睡眠,而且要保持良好睡眠質素。適當休息,有助腦部從疲勞中恢復 ,提升記憶力和注意力。

 

5 護頭保腦

外來嘅傷害,對腦部健康一定有影響。所以好好好保護你嘅腦袋,盡量不要弄傷頭部啊!

 

 

你或會有興趣的相關文章:

飲能量飲品提神傷健康│工作累了飲杯水仲好

過勞損腦力令人變蠢善忘│5大建議減壓放輕鬆

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫