宅在家避疫情 長時間坐少活動易患血栓| likemagazine.com.hk
Beauty & Health
宅在家避疫情│長時間坐少活動易患血栓

宅在家避疫情 長時間坐少活動易患血栓

武漢肺炎疫情未止,多個社區都有確診病患者。病毒無形,市民大眾擔心出入有機會染病,索性宅在家,邊度都唔去,留喺屋企最安全。雖然變身宅男宅女可遠離病源,但長時間居家唔多郁動,只顧煲劇、打機、食和瞓,都可能對健康構成危機。

 

老婦久坐腳腫如波

疫情影響下,好多人情願變身宅男宅女,留在家活動。難得悠閒在家,做乜好呢?煲劇、打機、上網同人chat,一邊消閒一邊食零食,爽丫丫。玩累無聊沒事幹,眠一眠快活過神仙。長時間足不出門,每天食瞓坐,以為避過疫情,捉緊健康,其實不知不覺間為健康惹禍。長時間坐或半躺煲劇、打機,健康康危機之一係下肢靜脈血栓。有新聞報道指,早前內地浙江一名70老婦,因為天天宅在家,加上關節唔好,長時間坐喺沙發上睇住電視報道疫情發展。結果有日發覺腳腫,過幾日對腳腫到好好似吹脹咗嘅波,行路明顯覺痛,睇醫生後,發現下肢靜脈塞住咗,須接受治療。

 

血栓,即我哋一般所講嘅「血塊」,當人體喺正常狀態下,血栓會被自然分解,但久坐唔運動,會加速血栓形成,當血栓無法分解就會積存喺血管內,甚至造成血管堵塞,影響血液循環,嚴重可致中風、心血管等疾病發生。

 

健康tips

就算堅決宅在家避疫情,長時間居家,大家都要注意健康!為免出現血栓,在家時記住以下幾個健康tips

1 多飲水降低血液黏稠度

2少食零食、高脂油膩、高糖食品,多吃蔬菜。

3 適時起身走動,活動一下手腳。建議大約1小時起身行下郁下。

4 就算坐喺度都可以做啲簡易運動,例如腳踝上下擺動、反復屈曲腿部關節等,適當伸縮大小腿肌肉。

 

疫情雖可怕,但如因為避疫情而拒絕或延遲求醫,受害嘅係自己。如有任何不適,或病徵持續,務必盡早及醫。

 

 

你或會有興趣的相關文章:

去廁所便便時玩手機│久坐馬桶易便秘生痔瘡

飛機坐經濟艙屈住坐周身痛│上機隨身帶網球鬆一鬆

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適