指甲反映健康狀況│即check 你係咪健康!| likemagazine.com.hk
Beauty & Health
指甲反映健康狀況│即check 你係咪健康!

指甲反映健康狀況│即check 你係咪健康!

之前滯溜嘅停泊於日本橫濱嘅鑽石公主號郵輪嘅香港人分批返港,有港人回港後接受訪問時大嘆人生變幻無常。變幻原是永恒,如健康,一樣難捉摸。身體係自己嘅,日常宜多加留意,健康係好係壞能及時知道,作出應變。我哋身體好聰明,其實喺唔同部位都有發出健康指示,而指甲就係其中一個。原來從指甲紋理、軟更度、甲色等,可略知健康一二。快快拎對手出嚟望下,了解你嘅健康狀況。

 

指甲與健康

按中醫學說,指係氣血經絡交匯之處,與體內五臟六腑有密切關連,從指甲嘅紋理、顏色、半月等變化,可反映身體健康狀況,讓人及早調整,作出預防,治未病。

 

甲形

健康嘅指甲中間隆起,邊緣彎曲向下。如指甲中央凹下去,健康不佳,要多注意。

 

月牙

月牙就係指甲底部長出嘅白色半月形部分,約佔指甲約五分之一,一般拇指、食指和中指都應有月牙,顏色以奶白色為佳。手指無月牙唔代表一定有病,月牙過小表示精力和免疫力不足。但月牙過多,例如連小指都有,或者過大,則代表體內陽氣過盛,易上火、易怒,則易患心腦血管等疾病。

 

顏色

指甲本是透明,呈現嘅顏色其實係甲床血液嘅顏色。當血流出現變化,指甲顏色都會改變,從而令人知道健康嘅狀況。如指甲蒼白,可能與貧血、營食不良有關。指甲呈深褐色,可能腎虛。如指甲色偏黃,除咗因後天抽煙習慣所致外,也可能係受真菌感染。至於呈藍紫色,代表身體缺氧,肺部健康不佳。

 

軟硬度

健康嘅指甲應軟硬適中。如過軟易斷,代表血虛體弱,要多補充營養,除鈣質外,鐵質都係重點,宜多吃紅肉、菠菜等。如指甲過硬都唔係好事,代表身體有火氣,肝血不足,陰虛有火,宜多食溫潤食物如百合、蘿蔔等。

 

紋理和斑點

健康指甲表面光滑、有光澤、沒分層。如出現紋理,要再睇睇係縱向還是橫向。如果係直紋,不用擔心,係正常狀況,原因係長出指甲嘅爪母本身就係凹凸形,所以指甲一定有少許直紋。隨年紀漸大,凹凸情況會加劇,令指甲上的直紋更明顯,甚至部分直紋隆起突出,都屬正常。如果指甲出現橫紋,代表健康出狀況,例如精神受壓、腸胃不佳等。如果指甲長出二重甲,很有可能係蛋白質不足。如果指甲向外反,很有可能係鐵質不足,因為指甲必須要有足夠鐵質才能維持硬度。如指甲出現白色斑點,原因有多種,除營養不良外,也可能患有濕疹、銀屑病等。白斑點很大嘅話,留意肝功能。

 

 

你或會有興趣的相關文章:

冬天指甲邊常生倒刺│美甲師教你防生倒刺方法

剪指甲感染痛歸心│點剪指甲先正確?

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

 

相關文章
疫情回落防疫勿鬆懈│提防11個傳疫不良習慣疫情回落防疫勿鬆懈│提防11個傳疫不良習慣 行路易攰企得耐會痛│教你練瑜伽改善扁平足行路易攰企得耐會痛│教你練瑜伽改善扁平足 空氣淨化如何選擇? 你的家用了適合你的空氣淨化機嗎?空氣淨化如何選擇? 你的家用了適合你的空氣淨化機嗎? 人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 同叫蘿蔔但原來唔同科│咪亂信紅白蘿蔔唔可以同煮同叫蘿蔔但原來唔同科│咪亂信紅白蘿蔔唔可以同煮 炸物沾番茄醬美味倍增│番茄醬高糖高鈉含味精│長期多食恐致病炸物沾番茄醬美味倍增│番茄醬高糖高鈉含味精│長期多食恐致病 銀髮族常無胃口食得差│6個備餐心思提升食慾銀髮族常無胃口食得差│6個備餐心思提升食慾 新冠肺炎比沙士易感染眼部│在公共場所咪隨便摸眼捽眼新冠肺炎比沙士易感染眼部│在公共場所咪隨便摸眼捽眼