黑朱古力抑食欲助控體重│每日30克血管更健康| likemagazine.com.hk
Beauty & Health
黑朱古力抑食欲助控體重│每日30克血管更健康

黑朱古力抑食欲助控體重│每日30克血管更健康

可口美味嘅朱古力,係大人小朋友都鍾意嘅零食之一。由於朱古力多數味道偏甜,所以常被視作不健康食品。不過,如果你至愛係黑朱古力嘅話,大可以少擔心健康問題。每日食30克黑朱古力,更可幫助清血管、降血壓和減重呢!

 

白朱古力不含可可

朱古力主要原材料係可可,可可本來味道苦澀,很難入口,廠商為吸引消費者,故此製作朱古力時普遍加入大量牛奶和糖調味,所以市面常見、最多人買嚟食嘅嗰種朱古力多為淺啡色,而且味道偏甜。由於加入大量糖,多食糖會引致肥胖、蛀牙等,所以牛奶朱古力一直被視為不健康嘅零食。至於朱古力中口感最滑嘅白朱古力,主要成分其實係可可脂和大量嘅糖。可可可脂係由可可豆榨取嘅天然植物性可食用油脂。白朱古力雖然有朱古力嘅香,但嚴格嚟講,並不是朱古力。黑朱古力就唔同,黑朱古力顏色偏深黑,原因係可可含量較多。可可含有黃酮類和花青素兩種抗氧化物質,對身體好處多。

 

純黑朱古力提升血管柔軟度

德國有研究指出,黑朱古力在促進血液循環、提升血管柔軟度都有一定作用,每日食兩塊黑朱古力,有利健康。不過前題係你要受得苦,因為研究所指嘅黑朱古力係濃度百分百嗰種,味道沒半丁甜味,如食用其他濃度嘅黑朱古力,始終滲入糖和其他成分,功效無咁明顯,而且糖可能致發胖。

 

黑朱古力抑食欲

如果你一直想控制體重,但又抗拒唔到油膩食物嘅誘惑,黑朱古力可能幫到你。法國心臟專家和營養學家話,當你好想食油膩食品時,不妨先食兩小片黑朱古力,你嘅食欲會消失,而且唔會感到沮喪。科學研究證明,當攝取30克黑朱古力,會使生長激素大幅下降,因而降低食欲。美國另有研究話,有固定食黑朱古力習慣嘅人,BMI值比唔食黑朱古力嘅人低。研究人員相信係黑朱古力有紓壓作用,緩和咗暴飲暴食嘅衝動。不過,黑朱古力再好,都唔可以食太多。一般而言,每日食30克就夠。

 

可可粉經加工減營養

選購黑朱古力時,睇下食物標籤。可可成分愈高,含黃酮類愈多。不過,市面多數黑朱古力製作時經烘焙或加工處理,部分採用嘅可可加入食用鹼,以達到調節酸鹹度目的,以減輕苦澀味。經加工嘅可可,當中嘅黃酮類化合物會被破壞,減低其好處。

 

 

你或會有興趣的相關文章:

天冷飲乜熱飲最暖身?薑湯竟然輸俾熱朱古力

過勞損腦力令人變蠢善忘│5大建議減壓放輕鬆

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
瞓醒經常見枕頭濕大片│瞓覺流口水可能有隱疾瞓醒經常見枕頭濕大片│瞓覺流口水可能有隱疾 一日3餐快餐熱量不超標│3個最低熱量套餐選擇一日3餐快餐熱量不超標│3個最低熱量套餐選擇 紅茶養生又助控體重│日飲2杯紅茶減出纖腰│紅茶養生又助控體重│日飲2杯紅茶減出纖腰│ 眼藥水非保養品│長期使用有副作用眼藥水非保養品│長期使用有副作用 每到春天周身痕│記住呢3個止癢穴位每到春天周身痕│記住呢3個止癢穴位 蔬果切開營養流失│冷凍蔬果保存更多營養蔬果切開營養流失│冷凍蔬果保存更多營養 燕麥健康營養豐富|揀錯種類血糖暴升更致肥燕麥健康營養豐富|揀錯種類血糖暴升更致肥 小朋友過敏痛在父母心│食益生菌刺激免疫減過敏小朋友過敏痛在父母心│食益生菌刺激免疫減過敏