支持環保走塑轉用鋼飲管 用來飲呢3款飲品恐壞健康| likemagazine.com.hk
Beauty & Health
支持環保走塑轉用鋼飲管│用來飲呢3款飲品恐損健康

支持環保走塑轉用鋼飲管 用來飲呢3款飲品恐壞健康

環保風氣日盛,好多人為救地球都願意行多一步,改變一啲生活習慣,例如外賣飲品主動走塑,自攜飲管飲用。近年推出嘅環保飲管,採用不同材質,除常見嘅矽塑外,不鏽鋼都甚普及。雖然鋼飲管用完可以洗,循環再用唔浪費,但若清洗不夠徹底,易藏細菌,為健康帶來風險。

 

不鏽鋼有不同系列

鋼飲管成為環保人士嘅隨身恩物,外出買飲品用自己嘅飲管,一來衞生安心,二來不為地球添廢物。市面上有售嘅鋼飲管款式多,價格多樣,但品質參差。去年台灣曾抽查市面常見84款不鏽鋼環保飲管,當中15款不合格,大部分因未能標示「商品用途、使用與保存方法、注意事項」。點解呢項標示咁重要呢?原來同材質有關。不鏽鋼係由多種金屬元素組合而成嘅合金,主要成分元素為鐵,亦包括具防銹作用「鉻」和可抗腐蝕嘅「鎳」等。不鏽鋼鋼種所含嘅「鉻」和「鎳」兩種元素比例不同,會以編號作分類,常見有200300400等系列。不同系列因材質、處理程序等,而有不同用途。商品中常提及嘅「食用級不鏽鋼」,一般為304系列,由於抗腐蝕性和加工性佳,所以多用喺餐具、廚具等。至於「醫療級不鏽鋼」,多指316系列,添加咗「鉬」,抗腐蝕更強,多應用喺醫療用品上。劣質不鏽鋼會釋出化學物質錳,影響健康。

 

網友擔心鋼管內溝痕藏污

材質以外,鋼飲管嘅製造方法和過程,都令人擔心使用鋼飲管有害健康。台灣網絡上近來流傳叫人唔好用鋼飲管嘅聲言,原因係擔心工廠使用劣質鋼材造飲管,而且製造時添加在內嘅礦物油沒洗淨。更重要一點係飲管內無拋光,睇唔見嘅溝痕,容易累積細菌。

 

用後用軟毛刷清潔

其實每樣材質都有其特性和缺點,不鏽鋼飲管都係。專家建議,只用不鏽鋼飲管飲用水及純茶類飲品,奶類飲品和酸性飲品都唔建議使用。原因係奶類富含油脂,會吸附髒物;酸性飲品容易侵蝕鋼管內層。至於果汁類飲品,部分水果帶酸味,都會侵蝕鋼管,產生毒性。不鏽鋼飲管購買後先用軟毛清潔刷徹底洗擦一遍,平時使用後,都要用擦子清潔,千祈咪只用清水沖洗,咁樣難除管內垢積。

 

 

你或會有興趣的相關文章:

支持環保轉用乾手機│點知有份勁散播病菌?

搭飛機自攜水樽裝水│支持減塑保護海洋生態

 

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適