為健康加油做瑜伽│消委會: 9成瑜伽墊含有/釋出有害物| likemagazine.com.hk
Beauty & Health
為健康加油做瑜伽│消委會: 9成瑜伽墊含有/釋出有害物

為健康加油做瑜伽│消委會: 9成瑜伽墊含有/釋出有害物

眾多運動之中,瑜伽近年大受歡迎。上健身室上瑜伽班,一般一人一墊,墊子具防滑穩定、減低緩衝力和保護作用,令人做式子時更精準。挑選瑜伽墊時,你會以咩為準則?顏色、品牌、厚薄以外,質料都重要。消委會最近發表報告,測試30款瑜伽墊,發現只有兩款不含影響造血及生殖系統嘅甲酰胺。做運動目的為健康,如選墊不慎損健康,多做瑜伽都係白費。

 

貴價唔等於質優

今次消委會檢測嘅30款瑜伽墊,樣本售價由$45$899不等。好多人購物時抱住「貴價有質量保證」 心態,但測試顯示,最貴與其中1款最平嘅瑜伽墊得分相同,換言之,瑜伽墊價格和質量無必然關係。另外,今次測試重點係了解瑜伽墊嘅有害物質如:甲酰胺、二甲基甲酰胺、多環芳香族碳氫化合物(PAHs)及塑化劑嘅含量。由於練習瑜伽時,皮膚或會長時間及大面積直接接觸瑜伽墊,又或可能經由呼吸吸入其釋出物,因此,揀選安全質優不釋有害物嘅瑜伽墊,可保障健康。

 

9款含毒性甲酰胺

瑜伽墊普遍使用含甲酰胺嘅發泡物料製造,動物嘅研究結果顯示,甲酰胺對造血和生殖系統會造成影響。測試結果,逾9成樣本檢出具生殖毒性嘅甲酰胺,當中9款含量更高於歐盟玩具安全指令規定嘅含量限值。按相關指令,消委會再安排該9款樣本瑜伽墊進行甲酰胺釋放量測試,結果顯示,在試驗空間放置7日後,6款樣本嘅釋放量由每立方米12微克至15微克,其餘3款則未有檢出甲酰胺,全部符合歐盟玩具安全指令嘅釋放量規定。測試中,有2款瑜伽墊無檢出甲酰胺,意味瑜伽墊製造過程中,甲酰胺或相關成分未必係必要嘅原材料。大家揀選時,宜查閱產品材質,謹慎選擇,減低使用風險。

 

部分含萘可能刺激皮膚

另外,測試發現部分瑜伽墊含有多環芳香族碳氫化合物(PAHs)及。多環芳香族碳氫化合物係指一大類有機化學物質,國際癌症研究機構把大部分多環芳香族碳氫化合物列為2B(或可能令人類患癌)或第3(在會否令人類患癌方面未能分類)。在其中9款瑜伽墊更檢出PAHs其中一項物質─萘。萘屬或可能令人致癌物質,由於瑜伽墊可能與皮膚長時間和大面積直接接觸,故消委會建議,做完瑜伽後要盡快用溫和肥皂或洗手液清洗雙手,減低攝入萘嘅機會。

 

使用時保持室內空氣流通

測試又發現,2款採用聚氨酯製造嘅瑜伽墊樣本檢出微量二甲基甲酰胺(DMF),分別為每公斤27毫克及96毫克,含量符合歐盟REACH法規就服裝、鞋履和其他紡織品類消費品的建議限值(每公斤3,000毫克)。不過,甲酰胺及二甲基甲酰胺屬揮發性有機化合物,如果室內環境溫度較高、空氣欠流通,或者室內擺放多張瑜伽墊,可能會增加室內空氣中這些物質嘅濃度,有機會刺激眼睛及呼吸道,引致短暫不適。

 

新買後打開通風幾天

似乎市面買到嘅瑜伽墊,無論採用任何質料製造,或多或少含有有害化學物,大家選購時除咗要睇清楚材質外,新買嘅瑜伽墊最好打開通風幾日,有助揮發有機化合物,減低使用時經呼吸吸入嘅劑量。使用時,要保持室內空氣流通,盡量避免讓嬰幼兒及寵物接觸。運動後,盡快洗手,記住要用清水和梘液,可降低吸入有害物質嘅風險。瑜伽墊用耐咗整污糟,一般情況下,用消毒酒精噴霧或紙巾清潔表面就可以。如有明顯污漬、汗水或油脂,可以用少量沐浴露或洗潔粉,加暖水浸洗幾分鐘,用濕布1除污垢後,過清水及自然風亁。消委會唔建議將瑜伽墊放入洗衣機洗或乾衣機烘乾。

 

 

你或會有興趣的相關文章:

在家運動無難度!7套簡易瑜伽,改善肩頸痛、修小腹、減少失眠

驅寒強身玩手指就得?手指瑜伽郁郁手指行氣血

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
控重成功在timing│揀啱時間食三餐控重成功在timing│揀啱時間食三餐 眼藥水非保養品│長期使用有副作用眼藥水非保養品│長期使用有副作用 雞蛋營養豐富助大腦發育│日本媽媽創意便當激發食慾雞蛋營養豐富助大腦發育│日本媽媽創意便當激發食慾 保持雙手清潔防病菌散播│酒精搓手液點用至正確?保持雙手清潔防病菌散播│酒精搓手液點用至正確? 阿媽話:飲隔夜茶傷健康|點解飲瓶裝茶無呢個問題?阿媽話:飲隔夜茶傷健康|點解飲瓶裝茶無呢個問題? 人到中年膽固醇高        早上食番茄助心血管健康人到中年膽固醇高 早上食番茄助心血管健康 延年益壽唔使求仙丹   7個長壽要訣延年益壽唔使求仙丹 7個長壽要訣 感冒食粥妨礙痊癒?食呢啲補充體力好快啲感冒食粥妨礙痊癒?食呢啲補充體力好快啲