天冷飲乜熱飲最暖身?薑湯竟然輸俾熱朱古力| likemagazine.com.hk
Beauty & Health
天冷飲乜熱飲最暖身?	薑湯竟然輸俾熱朱古力

天冷飲乜熱飲最暖身?薑湯竟然輸俾熱朱古力

每到天冷嘅時候,總係想飲杯熱飲暖身。熱飲選擇何其多,邊款暖身效果最強最持久呢?向來求知超認真嘅日本人,喺一個電視節目裡搵真人實測,試飲6款熱飲後睇下體溫升咗幾多。測試結果顯示,大眾公認嘅薑湯、熱咖啡等的確飲後可以令人身體暖起嚟,但講到「暖身之王」,飲後保暖更持久,竟然係意想不到嘅熱朱古力。

 

日本節目找真人測試

天冷時飲熱飲,唔止為取暖,其實都有增強免疫力功效。日本保健專家指出,體溫和免疫力息息相關,當體溫每上升1度,免疫力都會暫時升約56倍,對防感冒等疾病有幫助。日本電視節目為搵出最強暖身熱飲,於是搵嚟6個有手腳冰冷問題嘅女生接受實測。首先,女生被安排喺室溫20度嘅房間裡面,然後各飲6款熱飲,包括:薑湯、咖啡、紅茶、甘酒、綠茶和朱古力。熱飲嘅分量為200cc,溫度約攝氏60度。之後,工作人員用儀器檢測佢哋嘅體溫變化。

 

咖啡保暖效果最快消失

測試結果發現,女生們飲用熱飲4分鐘後,無論邊款飲品都好,體溫都有上升,不過當中以薑湯、甘酒效果較突出,女生體溫升近1度。9分鐘後,發現咖啡嘅暖身效果大幅降低,女生體溫回復測試前一樣。至於綠茶,暖身效果比咖啡長少少,但在14分鐘後,女生體溫都回到飲用前狀態。專家解釋,因為咖啡、綠茶含有咖啡因,咖啡因會令血管收縮,影響血循環,因此有降低體溫效果。

 

熱朱古力保暖最強

飲甘酒、薑湯及紅茶嘅女生,分別在27分鐘、47分鐘及52分鐘後體溫回復到飲用前溫度。最意想不到係飲用熱朱古力嘅女生,竟然在飲用59分鐘後,才失去保暖效果。專家解釋,薑湯含有薑烯酚,能幫助製造熱能;紅茶含有茶黃素,能幫助提升血液流動;朱古力含可可多酚,具有更好促進血液循環效果。朱古力比綠茶、咖啡等提高體溫效果較長,相信除咗飲用後有促進血液循環之效外,亦有助消除疲勞等,由於有多重健康效用,所以更暖身。

 

參考資料:https://www.edh.tw/article/23697

 

你或會有興趣的相關文章:

天氣凍飲杯熱飲暖下身│揀錯飲品手腳易冰冷

患病多飲水快啲好?補充蛋白質維他命C痊癒更快

 

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學