去廁所便便時玩手機 久坐馬桶易便秘生痔瘡| likemagazine.com.hk
Beauty & Health
去廁所便便時玩手機│久坐馬桶易便秘生痔瘡

去廁所便便時玩手機 久坐馬桶易便秘生痔瘡

廁所係污物聚集嘅地方,最近更可能係傳播武漢肺炎嘅溫床,但好多人偏偏愛坐喺馬桶上偷閒減壓,經常一坐就捨不得走。去廁所便便時,多數人順便做埋其他事情,放空發呆、睇書之外,更多人鍾意玩手機,無論打機、上社交平台或與友朋閒聊,短短十多分鐘,就是一天最美好時光。不過,一邊去廁所一邊玩手機原來對健康有害,除咗影響血循環會腳麻頭暈外,亦會易便泌和生痔瘡。

 

研究指上廁排便不應逾15分鐘

每次去廁所便便,你會花幾多時間?一入去搞掂就出返嚟?抑或順便坐多陣玩下電話先?相信好多人都係後者。如果經常有此習慣,原來對健康有莫大影響。第一,玩手機會令人分心,唔可以注專去便便,當有便意但便便無及時排出體外,腸道會產生逆蠕動,令便便縮回去。呢個時候,便便嘅水分會被腸道吸收,令下次排便更困難。第二,當你意識到掛住玩手機而無去便便,但仍有便意,但由於便便少咗水分,排出困難,你自然會更用力排便,咁做有機會手力過度而令肛門周圍嘅血管疼痛腫脹,嚴重甚至出血和引發痔瘡。第三,即使你一入廁所即專注排便,完成後才再坐一會玩手機,但原來保持同一個蹲坐姿勢太耐,都有機會影響血液循環,當下肢供血不足,除咗會有麻痺感外,當你完事起身,增加跌倒機會。如果玩手機時低頭太耐,起身時亦可能會產生頭暈。外國曾有研究指,上廁所排便時間唔應該長過15分鐘。

 

英國特別設計坐廁難久坐

若果你自問自律能力差,英國有公司研究咗一款新式馬桶,傾斜度為13度,公司聲稱呢個斜度嘅座廁令人唔會坐得耐過5分鐘,否則會覺得疲倦。工具係輔助,講到底健康掌握喺自己手,有便意立即上廁所,入到廁所「速戰速決」就出番嚟,唔好坐喺馬桶玩手機。一來係為自己好,眾所周知廁所細菌多,二來都顧及他人需要,長霸廁所好乞人憎囉!

 

 

你或會有興趣的相關文章:

辦公位坐得唔舒服│搵出上班族周身痛癥結

上班族難言之隱│便秘少食7類食物

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
全城消毒搓手液賣斷市?大學教授教你 DIY              全城消毒搓手液賣斷市?大學教授教你 DIY 跑步流汗又辛苦        間歇式健走好易做   每周4次防三高跑步流汗又辛苦 間歇式健走好易做 每周4次防三高 以為藍光搞到瞓唔到?              其實黃光更令人醒神以為藍光搞到瞓唔到? 其實黃光更令人醒神 U型渠內貯水阻疾病傳播         放梘水check渠道有無漏氣U型渠內貯水阻疾病傳播 放梘水check渠道有無漏氣 日日刷牙都有口臭|成因未必係熱氣火大日日刷牙都有口臭|成因未必係熱氣火大 日夜戴口罩塊面勁出暗瘡         8個除暗瘡要點日夜戴口罩塊面勁出暗瘡 8個除暗瘡要點 常睇屏幕處理文書│雙眼睛疲勞又乾澀│調較呢3項升閱讀舒適感常睇屏幕處理文書│雙眼睛疲勞又乾澀│調較呢3項升閱讀舒適感 冬天皮膚乾到癢             點揀點搽潤膚膏至好呢?冬天皮膚乾到癢 點揀點搽潤膚膏至好呢?