「跟車太貼」情緒焦慮 6式調適身心防疫| likemagazine.com.hk
Beauty & Health
「跟車太貼」情緒焦慮│6式調適身心防疫

「跟車太貼」情緒焦慮 6式調適身心防疫

武漢肺炎疫情至今未止,疫情更開始喺社區蔓延,已經叫人感到憂心,每日大家仲要為買口罩、消毒用品、廁紙等而奔波,真係愁上加愁。疫情影響市道,經濟下滑,企業推行節流措施,裁員、放無薪假、8折支薪,令打工仔非常徬徨。多方壓力一下子湧埋身,有人精神思想受不住,開始出現焦慮、恐慌、憂鬱。若果你或身邊嘅人出現以上狀況,不妨用以下方法舒緩。記住,面對未知嘅疫情,保持身心健康先係最佳防疫方法。

 

1 唔好做資訊垃圾桶

每日打開手機,資訊四方八面而至。人人關注疫情發展,如何防疫亦成為熱門話題。喺資訊爆發嘅年代,資訊無時無刻而至,我哋必須保持清醒頭腦,作用分析和過濾,千祈唔好被錯誤資訊蒙蔽,亦唔單一接受資訊而不思考不判斷。若因為睇多咗疫情消息而出現心神不定、感到困擾,甚至難入睡,試試減少睇新聞,或者關掉新聞平台手機app嘅即時通知功能,令自己唔會被即時疫情新聞和消息而打擾生活規律。

 

2  別讓存在感影響你

為防疫,好多人搶購口罩、消毒用品,連廁紙都被買光光。喺街上見到人哋排隊買,好容易被氛圍影響,令你覺得自己唔加入搶購行列好蝕底。排隊前,停一停,問下自己:「真的需要嗎?」如家中有存貨,提醒自己唔好為「存在感」而排隊,留給真正有需要嘅人,互助互愛,才能成功防疫。

 

3 保持正常社交交流

近來疫情出現社區感染鏈,有人擔心行出街會無端被感染,響應政府及醫護呼籲,減少外出。少咗外出,唔等於將自己關密起嚟,通過電話、網絡等與友朋保持緊密嘅聯繫,維持正常人際關係,與友朋傾訴一下,都有助舒緩不安情緒,減少焦慮。

 

4 正念打倒負能量

雖然疫情仍未受控,但專家們已經努力研究對付病毒嘅方法。問題總有解決辦法,希望在明天,亦要對專家有信心,疫情總有竭止嘅時候。保持正念,唔好被負面情緒打倒。

 

5 調息呼吸放鬆

面對不確定、未知嘅未來,擔心好正常。若覺得情緒波動不安,可試試搵個舒適嘅地方坐下,雙手輕按喺腹上,然後慢慢呼吸。藉著調息呼吸,降低心跳速度,有助平靜緊張心情,感到放鬆。

 

6 做運動強健體魄

運動對身體好,雖然人人都知道,但你做咗未?平時因為工作忙而無時間運動,趁著疫情,工作沒之前咁忙,善用時間做運動。運動無須劇烈,也可促進身體健康。每日運動量只要相等於消耗150卡路里熱量,足以令身體獲益。運動建議包括:30分鐘內步行2公里、跳繩15分鐘、上落樓梯15分鐘、打籃球1520分鐘、洗窗或洗地4560分鐘、洗車及打蠟4560分鐘等。有強健嘅身體,免疫力高,防疫成效更好。

 

如試過以上方法,焦慮未解,建議你唔好怕尷尬,盡快搵醫生或專科進行評估及接受適合治療。

 

 

你或會有興趣的相關文章:

食得好提升免疫力防疫│中醫分享養生健康飲食法

守護家人健康同抗疫│防止病毒家庭傳播8個重點

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
新婚夫婦甜蜜枕住手臂瞓         小心患「蜜月手」痛到舉唔起新婚夫婦甜蜜枕住手臂瞓 小心患「蜜月手」痛到舉唔起 日日刷牙都有口臭|成因未必係熱氣火大日日刷牙都有口臭|成因未必係熱氣火大 上班族用眼過度累又乾│簡易3招護眼舒緩不適上班族用眼過度累又乾│簡易3招護眼舒緩不適 支持環保轉用乾手機                   點知有份勁散播病菌?              支持環保轉用乾手機 點知有份勁散播病菌? 搶到漂白水又如何?   你識得點用嚟清潔清毒嗎?搶到漂白水又如何? 你識得點用嚟清潔清毒嗎? 全城消毒搓手液賣斷市?大學教授教你 DIY              全城消毒搓手液賣斷市?大學教授教你 DIY 素食者別忘補充膽鹼│缺乏膽鹼傷肝損記憶力素食者別忘補充膽鹼│缺乏膽鹼傷肝損記憶力 在家增強抵抗力|每天6分鐘瘦臀瘦腿練習_在家增強抵抗力|每天6分鐘瘦臀瘦腿練習_