天氣凍飲杯熱飲暖下身 揀錯飲品手腳易冰冷 | likemagazine.com.hk
Beauty & Health
天氣凍飲杯熱飲暖下身│揀錯飲品手腳易冰冷

天氣凍飲杯熱飲暖下身 揀錯飲品手腳易冰冷

呢幾日強烈冬季季候風為本港帶嚟寒及乾燥天氣,日夜溫差大,晚間及清晨氣溫低至10度左右。天寒地凍,除咗匿喺被窩取暖最好,飲杯熱飲都會令身體暖啲,感覺舒服啲。如果想暖身效果好啲,原來要識得揀熱飲。飲錯咗,唔止令你唔覺暖,更會令手腳易冰冷。

 

攝取蛋白質使體溫升

天氣凍飲杯熱飲暖下先。想暖身效果強啲好啲,飲完杯飲品後,身體會熱起嚟,原來可以參考「攝食產熱效應」。攝食產熱效應嘅意思係人體消化吸收食物時會消耗體內熱量,使體溫升高。當中,以蛋白質嘅產熱效應最高,其次為醣類,脂肪最少。所以飲用蛋白質含量高嘅飲品如熱豆漿、牛奶等,唔止可以攝取豐富蛋白質,仲可以得到暖身效果。

 

咖啡加薑粉或肉桂

晨早返工又遇著寒冷天氣,有人鍾意飲杯熱咖啡或熱茶,醒腦又暖胃。雖然飲嗰下感覺好溫暖,不過美國有研究指出,咖啡因會刺激交感神經系統使血管收縮、血流變少,反而容易令人感覺手冰冷。所以打算飲熱咖啡嚟禦寒嘅話,建議加薑粉或肉桂粉等溫熱食材,有助促進向液循環。

 

薑茶宜少糖

注重養生嘅人,可能會諗到飲薑茶暖身。的確,有研究話薑茶有提升攝食產熱效應,而且有飽足感。不過,由於市面有售即飲薑茶或調配薑茶,多加入大量糖作調味,高糖對健康不利。可以嘅話,自行沖泡,盡量減低糖量。

 

花草茶人人啱飲

喜愛清淡味道嘅人,可選擇飲杯熱花草茶暖身。菊花、薄荷、百里香、迷迭香等香草含有木犀草,可增強棕色脂肪和皮下脂肪嘅產熱基因表現,提升產熱作用。花草茶不含咖啡因,任何年齡嘅人都啱飲。

 

飲酒飲出低溫症

講到暖身飲品,有人諗起飲酒。飲酒後,身體好快暖起嚟,係因為酒精令皮下血管擴張。不過,快熱亦快散熱,體溫難保持,結果令人覺得更凍。

 

 

你或會有興趣的相關文章:

凍齡秘訣在飲食│5種抗氧化緩衰老食物

早餐第一口宜暖忌凍│理想早餐含3類食物

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學