企得多行得多足底受壓過勞 兩招舒緩足底筋膜炎| likemagazine.com.hk
Beauty & Health
企得多行得多足底受壓過勞│兩招舒緩足底筋膜炎

企得多行得多足底受壓過勞 兩招舒緩足底筋膜炎

一早起身,一腳踩落地,痛到抽筋,眼淚水都標出嚟!如果你有呢個情況,你可能患有足底筋炎。足底筋膜炎係腳掌退化性足部疾病,工作上需要長時間企嘅上班族如銷售員、客戶服務員、保安員、老師、醫護人員等常見患呢個病,甚至運動員、馬拉松選手都有機會患上。

 

著錯鞋令足部太累

足底筋膜係由呈扇形、具彈力嘅厚纖維組織組成,範圍自腳跟延伸至5根腳趾,拉緊足部及跟骨,令腳底形成弓狀,作用除咗減少足部行走時承受嘅震盪外,也能提供彈力及扭力。當長時間站立、年老退化或運動過度,會令足底不正常受力,導致足底筋膜過勞或受傷,出現發炎、腫脹等。另外,患有扁平足嘅人,有可能因足弓過平,足底局部受壓過勞,引發炎症。經常穿著唔啱腳嘅鞋或鞋履已嚴重磨損,鞋履未能好好保護足部,容易令足部過勞。

 

伸展動作放鬆足底

當足底筋膜發炎,最好當然係搵醫生檢查,再按個人病況接受適當治療。另外,訂製個人鞋墊,支援足弓,有助分散足底壓力。如要避免因運動過度而患足底筋膜炎,運動前記住要熱身,運動後要拉筋。減少喺硬地跑步或行路,有助緩痛。如因工作關係,必要全日站立,致足底筋膜過勞,日常生活裡可以做一啲伸展動作幫助放鬆一下。

 

1 毛巾操

坐在地上,用一條長毛巾繞在腳底,然後雙手抓住毛巾尾端,輕輕用力由腳底拉向身體方向,約待15秒後放鬆,再重覆動作約1015下。做動作時記緊保持腳部不彎、膝蓋打直。一天做幾次,有助加強腳底肌肉和放鬆筋膜。

 

2 足部包剪揼

用足部輪流做出如「包」、「剪」和「揼」嘅動作:腳趾緊緊抓扣一起、大腳趾向上翹及分開腳趾愈開愈好。每個動作維持約15秒後放鬆,重複約1015次,每日多做幾次。

 

 

你或會有興趣的相關文章:

入屋除鞋腳臭好尷尬│除腳臭要先知原因

朝早起身踩地即嗌痛│落床先醒足暖足防痛

 

 

逆市搵工無有怕!即睇最新熱門招聘公司:http://bit.ly/2OQKwP1

TEXT: MaryLin

相關文章
黃大仙區11人染退伍軍人病│污染水點和霧氣可傳病黃大仙區11人染退伍軍人病│污染水點和霧氣可傳病 避疫宅在家常坐唔郁動|2星期唔做運動身體速老40年避疫宅在家常坐唔郁動|2星期唔做運動身體速老40年 人有第二個胃食甜品?有時覺得飽因身體要轉口味人有第二個胃食甜品?有時覺得飽因身體要轉口味 食得好提升免疫力防疫│ 中醫分享養生健康飲食法         食得好提升免疫力防疫│ 中醫分享養生健康飲食法 放屁可傳播病毒?        專家話必須符合兩條件!放屁可傳播病毒? 專家話必須符合兩條件! 頻頻無記性可能係腦退化先兆│5個健腦Tips頻頻無記性可能係腦退化先兆│5個健腦Tips 跑步流汗又辛苦        間歇式健走好易做   每周4次防三高跑步流汗又辛苦 間歇式健走好易做 每周4次防三高 甜食帶來好心情│識揀識食日本當造士多啤梨甜食帶來好心情│識揀識食日本當造士多啤梨