廁紙一卷難求成賊人目標│話你知關於廁紙嘅5件事| likemagazine.com.hk
Special
廁紙一卷難求成賊人目標│知多啲!廁紙5件事

廁紙一卷難求成賊人目標│話你知關於廁紙嘅5件事

武漢肺炎爆期間,普羅大眾日日為排隊搶購生活用品而煩惱。繼口罩、消毒搓手液、漂白水、白米後,落街撞彩買廁紙都成為大家嘅生活日常。全城廁紙荒,擁有廁所就係王。今日(217)清晨就發生一宗離奇刧案,賊人嘅目標係超市剛返貨嘅600卷廁紙!非常時期,廁紙一卷難求,有價有市,賊人可能係睇中呢一點,定係佢自己屋企一卷都無,需要啲存貨呢?依家每當廁紙返貨,好多人就搶購,有人喺屋企囤貨,之前有人影到某個家居露台擺滿廁紙,真誇張!廁紙由本來生活唔起眼嘅一角,變成大家好珍重嘅物品,關於廁紙嘅有趣事,你又知道幾多呢?今次同大家數一下。

 

1. 廁紙應該向外拉還是向內拉?

當廁所無廁紙,你將一卷新廁紙重新放上架時,你會將開口向朝外還是向住牆身呢?雖然呢個涉及個人喜好,但卷裝廁紙面世時,發明嘅人其實有諗過呢一點。根據百多年前一位紐約商人註冊嘅專利圖,可見廁紙開口係朝外。與此同時,喺紙上打孔,方便大家撕出完美正方形都有註冊架!

 

2 廁紙愈強韌愈好,愈多層愈襟用?

廁紙好唔好,關乎個人喜好。不過諗住買最韌嘅廁紙可以耐用啲嘅話,你就要諗埋有機會塞廁所。一般嚟講,廁紙強韌度愈高,需要較長時間沖散,換言之,有機會造成渠道淤塞。若果你家個廁所水力唔係咁強,渠道又塞塞地,買廁紙都要諗清楚。一般而言,廁紙有3層已足夠應付日常使用,未必要用到4層。

 

3 買廁紙愈貴愈好?

消委會喺2018年曾經做過測試,發現廁所售價貴,唔代表一定好。喺測試嘅25款廁紙裡,賣得最貴嘅3款廁紙,比超市嘅自家品牌廁紙售價貴1倍,但獲評分竟然較低。

 

4 以為送多2卷更抵?

好多人選購時都抱住心態,以同等價錢買到多啲就係抵,但原來有廁紙品牌喺贈送廁紙時,將原來每卷廁紙嘅重量減少,換言之,若以重量計,可能買10卷裝比買12卷更抵。大家選購時要睇真啲,咪俾所謂「優惠」而蒙騙。

 

5 廁紙唔會過期,一次過買多擺下唔會壞?

雖然廁紙無過期問題,但存放不當,受潮反而會令細菌積聚,帶來健康風險。廁紙應儲存喺乾爽、通風和潔淨的地方。其實香港廁紙供應穩定,大家都無需要囤積大量,買定少量存貨以備不時之需已經可以。

 

 

 

你或會有興趣的相關文章:

沖廁蓋廁板防菌未夠架!記住定期用漂白水洗廁

網傳肺功能測試唔可靠│護己護人│出現病徵及早求醫

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

TEXT: MaryLin

相關文章
飼養寵物鼠請三思        事前了解寵物特性免棄養飼養寵物鼠請三思 事前了解寵物特性免棄養 青年宿舍1月4日截申請          獨居百幾呎每月只$4XXX青年宿舍1月4日截申請 獨居百幾呎每月只$4XXX 澳洲山火樹熊受災        眾籌助養救樹熊澳洲山火樹熊受災 眾籌助養救樹熊 約會點打扮提升脫單機會?男女約會打扮3寶約會點打扮提升脫單機會?男女約會打扮3寶 2020年鼠年犯太歲生肖+拜太歲攻略2020年鼠年犯太歲生肖+拜太歲攻略