勤洗手雙手易變乾│潤手霜護手要點揀?| likemagazine.com.hk
Beauty & Health
勤洗手雙手易變乾│潤手霜護手要點揀?

勤洗手雙手易變乾│潤手霜護手要點揀?

為預防染上武漢肺炎,醫護不斷提醒大眾勤洗手。戴或除口罩要洗手、去廁所要洗手、食飯要洗手、摸過電梯按鈕要洗手……一日洗手好多次,時時消毒,心安了,但雙手洗得多,好乾喎!洗手保衞生係重要,唔想對手洗到變乾柴,適當護理不可少!

 

洗手太頻可患主婦手

疫情下,大家洗手唔再淨用清水沖,而係聽話用埋梘液,搓勻雙手7個部位。洗手洗得多,將皮膚表面嘅天然保護油脂洗走晒,容易缺水,變得乾燥、粗糙,而且出乾紋。雙手乾如柴,莫講唔美觀,自我感覺唔良好,手部皮膚太乾,嚴重更可能有「主婦手」、濕疹等問題。

 

甘油護膚效果佳

點至可以洗手保衞生之餘,對手又唔乾?最簡單當然係洗手後搽潤手霜。選購潤手霜時,有乜要留意呢?大家不妨參考下消委會嘅建議。去年底,消委會和國際消費者研究及試驗組織試驗咗50款潤手霜,報告指出,甘油係潤手霜常見嘅成分,其功用係保濕劑和肌膚調理劑。試驗人員使用成分中第二位為甘油嘅潤手霜連續兩星期後,皮膚水分含量平均上升多達4成,可見甘油喺吸收水分並將水分帶到皮膚角質層有一定效用。報告又提到,部分產品標榜「24小時保濕」、「48小時舒緩乾燥肌膚」等,但現實生活裡,無人會塗搽潤手霜後全日唔沾水,所以呢啲聲稱係無意義嘅,大家唔好盲目追求。此外,消委會亦提醒大眾選購時要睇下產品成分表,有無致敏成分和香料,以免使用後皮膚有不良反應。

 

清潔勿忘戴手套保護

買到適合自己嘅潤手霜後,點搽先正確,能夠全面保護雙手呢?消委會都有建議喎。洗乾淨手後要抹乾,之後喺數分鐘內取適量潤手霜塗於雙手。塗搽時,除手掌、手背外,唔好忽略手指、指尖和指縫,輕輕按摩,直至潤膚霜被完全吸收。洗手令雙手變乾燥,除咗因為洗得太頻密外,使用嘅梘夜太過強效都係原因。可以嘅話,選用性質溫和嘅梘液就最好。洗手時,唔好用過熱嘅水,洗手後要立即抹乾。如果要做清潔工作,最好戴手套保護,以免雙手皮膚接觸到化學品受刺激。

 

 

 

你或會有興趣的相關文章:

保持雙手清潔防病菌散播│酒精搓手液點用至正確?

唔好畀手出賣你年齡│護手霜咁搽先有功效

 

 

逆市搵工無有怕!即睇最新熱門招聘公司:http://bit.ly/2OQKwP1

 

TEXT: MaryLin

相關文章
武漢肺炎喺哺乳類動物傳播│北京寵主瘋搶狗口罩護狗武漢肺炎喺哺乳類動物傳播│北京寵主瘋搶狗口罩護狗 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 點食番茄先攝取最多營養?│食皮定去皮?煮定生食?點食番茄先攝取最多營養?│食皮定去皮?煮定生食? 沖繩人長壽同飲食有關   高碳水化合物低蛋白質沖繩人長壽同飲食有關 高碳水化合物低蛋白質 支持環保走塑轉用鋼飲管         用來飲呢3款飲品恐壞健康支持環保走塑轉用鋼飲管 用來飲呢3款飲品恐壞健康 黑朱古力抑食欲助控體重│每日30克血管更健康黑朱古力抑食欲助控體重│每日30克血管更健康 沖廁蓋廁板防菌未夠架!記住定期用漂白水洗廁沖廁蓋廁板防菌未夠架!記住定期用漂白水洗廁 瞓醒總覺周身痛│ 可能因為瞓覺無翻身!瞓醒總覺周身痛│ 可能因為瞓覺無翻身!