戒煙永遠唔會遲!研究:煙民戒煙後肺變好| likemagazine.com.hk
Beauty & Health
戒煙永遠唔會遲!研究:煙民戒煙後肺變好

戒煙永遠唔會遲!研究:煙民戒煙後肺變好

煙民由食第一口煙時,應該心知肚明,吸煙危害健康。但係食過煙後,上咗癮,就算有上萬個理由對健康唔好,煙民都唔多願戒煙。其中一個經常被煙民用來做「擋箭牌」嘅藉口係:食煙咁多年,肺都壞晒,戒咗都無用。若果你身邊人都用呢個理由hea你,你可以同佢講,英國遺傳學專家做過研究,只要煙民戒煙,肺入面仍完好嘅細胞可以再生長,並且取代受破壞嘅細胞,肺會變好。戒煙永遠唔會太遲!

 

食煙比唔食煙短命三年

醫學臨床研究已經證實,吸煙係引致肺癌嘅最主要原因。統計顯示,十個死於肺癌嘅病者中,九個都係煙民。亦有醫學研究曾證明,吸煙者嘅平均壽命比不吸煙嘅人士短三年。吸煙損健康,煙民一定知道,但係好多煙民聽到戒煙,尤其煙齡長嘅人,總係耍手擰頭,推搪話食煙多年,深知肺部健康受損,無法逆轉。不過,最近有研究指出,只要煙民唔再食煙,肺部可以變健康。

 

煙民9成肺細胞變異

英國遺傳學專家做嘅研究係咁嘅,搵咗16個人嘅肺部活體組織切片做比對,當中包括煙民、已戒煙嘅人、從未吸煙嘅成人及兒童。研究發現,煙民個肺9成細胞出現能引發癌腫瘤生長嘅驅動基因突變,但已戒煙嘅人有多達4成肺部健康細胞與非吸煙人士相同,而數量係吸煙者嘅4倍。由於受損細胞基本上無法復元,研究結果好可能因為健康細胞喺煙民戒煙後再生長,並且取代咗受破壞嘅細胞。

 

戒煙後肺健康細胞生長

從研究可理解,吸煙雖然損害肺部健康,但肺部總會留有健康細胞,只要吸煙者唔再食煙,呢啲健康細胞又會生長,並且取代被破壞嘅細胞,恢復部分肺健康功能。所以呢,無論任何年齡嘅人士,食煙幾耐都好,戒煙對改善健康都有極大幫助。戒煙永遠唔會遲!

 

 

你或會有興趣的相關文章:

過勞損腦力令人變蠢善忘│5大建議減壓放輕鬆

瞓到半夜火燒心│胃酸倒流延醫增患癌風險

 

 

 

逆市搵工無有怕!即睇最新熱門招聘公司:http://bit.ly/2OQKwP1

 

 

 

TEXT: MaryLin

相關文章
晨早起床做瑜伽│新一天由陽光好心情開始晨早起床做瑜伽│新一天由陽光好心情開始 向日本OL偷師!纖體美肌首選小球藻向日本OL偷師!纖體美肌首選小球藻 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心