出盡法寶都係瞓唔著│善用每日3個5分鐘│踢走失眠| likemagazine.com.hk
Beauty & Health
出盡法寶都係瞓唔著│善用每日3個5分鐘│踢走失眠

出盡法寶都係瞓唔著│善用每日3個5分鐘│踢走失眠

香港生活節奏急促,加上工作壓力大,好多人飽受失眠折磨。每日由朝做到晚,攰到不似人形,但一瞓落床,偏偏瞓唔著,眼光光望天光,第二日無精神,日復日,捱到殘。為解決失眠,有人試盡各種方法,飲牛奶、數綿羊、做運動、聽柔和音樂……都係無乜用。日本有學者提出「身體韻律」概念,每日善用35分鐘,有助加強每晚睡意,容易入睡,更可改善睡眠質素,翌日瞓醒精精神神,提升工作效率。

 

朝早曬太陽5分鐘

朝早起床第一件事你會做乜?除咗急急腳去廁所舒爽外,不妨快手打開教簾,從窗外往外看,讓自己接觸一下陽光。當身體接觸光線,就可減少褪黑激素分泌,即能醒腦,叫醒成個人。

 

午飯後小休5分鐘

專家話,人體內有著同大自然日夜同步嘅「生理時鐘」,為保持腦部正常運作,每日大腦會啟動兩次睡眠機制,時間太約喺起床後8小時與22小時之後。由於首個睡眠機制就喺大約午飯後時間,所以建議喺睡意嚟臨之時,小休5分鐘,順應身體韻律,既唔會干擾生理時鐘,又可維持大腦運作嘅節奏,同時解決飯後好想瞓難集中精神嘅問題。

 

放工回家小睡5分鐘

做咗成日返到屋企攰到死,就算在公在私仲有好多嘢未做,都唔好強迫自己繼續做做做,反而回應身體發出嘅訊號,小睡5分鐘,閉上眼放鬆一下更好。小睡一下回魂後,精神又翻嚟,可以繼續你未做完嘅事。話明小睡,千祈瞓得太耐,否則令夜晚睡眠嘅腦波出現咗,夜晚再想瞓就難囉。

 

伸展運動放鬆

怕瞓咗起唔識醒嘅話,或者可以利用呢5分鐘做伸展運動,放鬆身心。運動後體溫會慢慢下升,呢個時候你會覺得好醒神,可以讓你集中做埋未做嘅工作。隨後1個多小時候,體溫緩緩下降,睡意就來了。有睡意就快快趣去睡覺,自然可以瞓得好,一覺瞓到天光。

 

睡床只用來瞓覺

成日瞓唔到嘅你,有啲生活習慣一定要改,就係床只何以用嚟瞓覺,唔好用嚟做其他事。原來我哋個腦好叻,會將場所和行動視為一個單位咁記憶落嚟。當你曾經喺張床睇過書、打電腦等,個腦會記住,下次你再返上床打算瞓覺,個腦會誤以為你要睇書、打電腦,於是繼續運作,令你遲遲都睡唔到覺。所以呢,唔好將無關瞓覺嘅嘢帶上床,係令你一夜好眠嘅秘訣。

 

 

你或會有興趣的相關文章:

沖涼好簡單但都會做錯│小心4大錯誤損健康

瞓醒總覺周身痛│可能因為瞓覺無翻身!

 

 

TEXT: MaryLin

相關文章
以為防疫勤洗手就掂?洗手後無立即抹乾手│增菌達84%以為防疫勤洗手就掂?洗手後無立即抹乾手│增菌達84% 回南天洗衫好難乾?5招快速乾衣妙法回南天洗衫好難乾?5招快速乾衣妙法 寵主唔使恐慌│世衛: 未有證據顯示貓狗會染武漢肺炎寵主唔使恐慌│世衛: 未有證據顯示貓狗會染武漢肺炎 日夜戴口罩塊面勁出暗瘡         8個除暗瘡要點日夜戴口罩塊面勁出暗瘡 8個除暗瘡要點 宅在家避疫情                  長時間坐少活動易患血栓宅在家避疫情 長時間坐少活動易患血栓 阿媽話:飲隔夜茶傷健康|點解飲瓶裝茶無呢個問題?阿媽話:飲隔夜茶傷健康|點解飲瓶裝茶無呢個問題? 大批港人湧上山郊遊避疫         口罩亂丟造播毒危機大批港人湧上山郊遊避疫 口罩亂丟造播毒危機 超市購糧隨時中招│超市4大藏菌位超市購糧隨時中招│超市4大藏菌位