保持雙手清潔防病菌散播│酒精搓手液點用至正確?| likemagazine.com.hk
Beauty & Health
保持雙手清潔防病菌散播│酒精搓手液點用至正確?

保持雙手清潔防病菌散播│酒精搓手液點用至正確?

本地新型肺炎確診個案累計42宗,疫情有大爆發可能。為防疫,醫護界不厭其煩提醒大眾勤洗手以保持雙手清潔。當雙手無明顯污垢時或不方便即時去洗手,可用酒精搓手液潔手。搓手液。搓手液使用方便,但你知道點用先正確,真正做到消毒殺菌,保障你健康嗎?

 

酒精濃度至少60%

根據美國疾病控制與預防中心,喺大多數情況下,用番梘和清水洗手消除細菌係最好嘅方法,但當無水和番梘喺左近,用酒精搓手液潔手都可以。不過選用嘅酒精搓手液,酒精濃度至少60%,先有殺菌功效,因為酒精要配合一定分量嘅水分先可以發揮殺菌成效。按衞生署衞生防護中心建議,使用含7080%酒精嘅搓手液液手更理想。市面有售嘅搓手液,部分更加入精油,聲稱精油都可殺菌。雖然部分精油的確能消滅某啲細菌,但由於缺乏系統性研究,所以大家選購時只宜作參考。另外,有啲搓手液會加入護手成分如蘆薈等,以減少酒精對皮膚嘅刺激,呢方面係個人喜好,只要酒精濃度足夠,不影響消毒效果。惟要留意係,若搓手液含香精,有機會增加皮膚敏感機會。使用之前,要睇清楚搓手液嘅有效日期。一般而言,未開封的酒精搓手液可存放2年半到3年,而開封後有效期則只有6個月。

 

用量要足夠先發揮效用

自從疫情出現後,市面酒精搓手液一樽難求。明白大家好辛苦先搶到貨,但使用時都唔可以太慳,否則發揮唔到效用。使用酒精搓手液時,每次分量約35毫升,分量足夠搓晒全手,包括手掌、手背、指隙、指背、拇指、指尖及手腕7個部位,搓手時間同洗手差不多,一樣約20秒,讓酒精自然揮發,直至雙手乾透。記住唔可以心急,用紙巾抹乾,咁會將酒精抹走,未能徹底殺菌。現時疫情仍未受控,大家唔可以鬆懈。記得食飯前、返屋企後、返到公司第一時間洗手,養成良好洗手習慣。

 

 

你或會有興趣的相關文章:

用過嘅口罩亂丟易播菌│為人為己要妥善處理

抗疫關鍵時刻│出街戴口罩│返家後即做4動作

 

 

TEXT: MaryLin

相關文章
沖廁蓋廁板防菌未夠架!記住定期用漂白水洗廁沖廁蓋廁板防菌未夠架!記住定期用漂白水洗廁 疫情持續出街食飯好危險│儲糧抗疫蔬果保鮮Tips疫情持續出街食飯好危險│儲糧抗疫蔬果保鮮Tips 皮膚白晳滑溜由內而外              多食呢4類美肌食物皮膚白晳滑溜由內而外 多食呢4類美肌食物 早餐第一口宜暖忌凍   理想早餐含3類食物早餐第一口宜暖忌凍 理想早餐含3類食物 周末冷峰到氣溫降│兩招保暖強身防病周末冷峰到氣溫降│兩招保暖強身防病 辦公室空間少人多聚集│上班族避疫自保5要訣辦公室空間少人多聚集│上班族避疫自保5要訣 飛機坐經濟艙屈住坐周身痛│ 上機隨身帶網球鬆一鬆飛機坐經濟艙屈住坐周身痛│ 上機隨身帶網球鬆一鬆 火龍果低熱量高纖                        紅肉白肉營養大不同火龍果低熱量高纖 紅肉白肉營養大不同