守護家人健康同抗疫│ 防止病毒家庭傳播8個重點| likemagazine.com.hk
Beauty & Health
守護家人健康同抗疫│防止病毒家庭傳播8個重點

守護家人健康同抗疫│ 防止病毒家庭傳播8個重點

截至210日上午9時,香港確診新型冠狀病毒感染個案累計有36宗,新增10宗來自同一家族,疑因新春期間打邊爐BBQ而互相傳染。相信未發生呢次事件前,好多人都抱住僥倖心態,而且對家人有信任,覺得一家人食飯唔會咁易傳染嘅!不過接二連二嘅確診個案都話俾大家知,今次武漢肺炎「好狡猾」,由於無病徵都有傳播能力,當家人相處期間放低防護,好易出事!為阻止疫情進一步擴散,衞生署衞生防護中心已經接連喺facebookpost,呼籲大家減少社交接觸。唔想有分將病毒傳俾家人親友,大家日常生活裡要注意多一點。

 

1 使用公筷

非常時期要有非常手段,即使一家人都好,但為對方健康著想,食飯時要用公筷和公羹,以防止感染及傳染病散播。另外,唔好共享飯盒和飲料,就算食量細,怕浪費,疫情下唔好咁做。要分甘同味,記住將飯餸另外用碗碟分開就更衞生。

2 減少聚餐

好多人習慣喺一年之初一家人聚頭見面食餐飯,不過新型冠狀病毒主要通過飛沫、身體接觸及糞便傳播,家人聚會少不免較親密及近距離嘅接觸,萬一有一人染病,開心聚會變播毒機會。疫情下,大家忍下唔好見面住,如要聯絡問好,打個電話或用視像通話,一樣窩心。

3. 忌握手

同相熟嘅人打招呼,其實有好多方法,揮下手或兩手合什,有同樣嘅意思。為己為人,暫時唔好握手啦。

4 盡量留家

疫情發展仍未見受控,社區傳染風險高。如非必要,都唔好外出,盡量留在屋企。雖然有人覺得「宅」喺屋企好無聊,但健康和悶,你揀邊樣先?

5 培養健康生活

新型冠狀病毒肺炎來勢洶洶,大家要培養健康生活,保持充足休息,有充足嘅運動,保持均衡飲食,咁先可以增強自身嘅免疫力來疫。

6 避免食生嘢

要預防肺炎及呼吸道傳染病,日常要注意食物安全,例如避免進食或飲用生或未熟透嘅動物產品,或食用可能被動物分泌物、排池物污染嘅食物。

7 咳嗽要揞住

咳或者打乞嚏時,要用紙巾揞住口鼻,然後將用過嘅紙巾掉喺有蓋垃圾箱裡面,之後徹底清潔雙手。如果冇紙巾喺手點算呢?記住都要用件衫或者用個袖揞住呀, 千祈唔好徒手掩住口鼻就算!就算喺屋企都要咁做,唔係淨喺出街顧住禮儀係咁咋! 

8  保持室內空氣流通

有人擔心病毒唔知邊度飛埋嚟,將屋企啲窗閂到實。咁做唔啱架!家居防疫,除咗要常清潔和消毒常接觸嘅表面,仲要多啲開窗,以保持室內空氣流通。

 

 

你或會有興趣的相關文章:

用過嘅口罩亂丟易播菌│為人為己口罩要妥善處理

支持環保轉用乾手機│點知有份勁散播病菌?

 

TEXT: MaryLin

相關文章
香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 感冒食粥妨礙痊癒?食呢啲補充體力好快啲感冒食粥妨礙痊癒?食呢啲補充體力好快啲 大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」 【醫生提醒】亂浸溫泉隨時感染性病?2 大高危染病位唔好坐【醫生提醒】亂浸溫泉隨時感染性病?2 大高危染病位唔好坐 支持環保走塑轉用鋼飲管         用來飲呢3款飲品恐壞健康支持環保走塑轉用鋼飲管 用來飲呢3款飲品恐壞健康 關節痛食豬腳以形補形?在家跳繩強肌健骨更好關節痛食豬腳以形補形?在家跳繩強肌健骨更好 膝頭長期受壓 上落樓梯嘅方法,你真係識?膝頭長期受壓 上落樓梯嘅方法,你真係識? 三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治