沖涼好簡單但都會做錯│ 小心4大錯誤損健康| likemagazine.com.hk
Beauty & Health
沖涼好簡單但都會做錯│小心4大錯誤損健康

沖涼好簡單但都會做錯│ 小心4大錯誤損健康

沖涼係每日大家都要做嘅事,但你有無諗過,咁簡單一件事,你都有機會做錯,或者為身體帶來不良影響。以下5個有關沖涼嘅錯誤動作,你有做嗎?

 

錯誤1:水溫愈熱愈好。

做咗成日嘢,周身攰。每晚沖個熱水浴成為放鬆黃金時刻。溫熱嘅水的確有助血液循環,放鬆肌肉,消除疲勞,令人感到舒暢。但若使用太熱嘅水沖涼,尤其冬天皮脂腺和汗腺分泌減少,皮膚表面嘅保護膜較弱,會令皮膚容易變得乾燥,甚至痕癢。水溫建議大約攝氏3840℃,比正常體溫稍高一點就可以,唔使太熱。

 

錯誤2:沖多幾次愈乾淨。

肺炎疫情影響下,好多人注重咗個人衞生。為防沾菌上身,有人比平時多沖幾次涼,甚至用各種沖涼法寶如:沐浴擦、沐浴巾等洗擦身體,以為咁可以更乾淨。其實,過度沖涼有機會令皮膚表皮受損,令細菌滋生,引致皮膚病。至於過度用力洗擦皮膚,會使毛囊增生,堵塞汗液通道,除咗會令皮膚變得粗糙外,更會破壞皮膚天然保護層,出現痕癢,嚴重更可能引致皮炎、濕疹等。

 

錯誤3:食飽飯即刻沖涼。

剛剛食飽飯,咪急住沖涼。因為當我們進食後,血液會聚集喺腸胃,進行消化。如果呢個時候去沖涼,熱水會令全身皮膚嘅毛細血管擴張,血液血身體表面匯集,腸胃道血液相對減少,影響消化。建議食飯後等最少30分鐘至1小時先好去沖涼。飽肚沖涼唔好,空腹都唔好喎!空腹時,人體處於低血糖狀態,若呢個時候沖涼,同樣血液聚集喺身體表面,會導致腦部缺血,易生頭暈,甚至出現因血糖低而暈倒。老人家、體虛和糖尿病患者要特別注意。

 

錯誤4:沖涼後即刻去瞓覺。

用熱水沖涼後,體溫升高,會抑制與睡眠有關嘅褪黑色素分泌,令人難入睡。如向來有失眠情況嘅人,建議盡量提早少少沖涼,例如睡前1.52小時,沖涼後不但令身體得以放鬆,更可有足夠時間讓體溫慢慢降低至合適睡眠溫度,更易入眠,瞓得香甜。

 

 

 

TEXT: MaryLin

相關文章
遇上灰甲點算好?激光治療深入解決問題!遇上灰甲點算好?激光治療深入解決問題! 起居生活清潔消毒│抗菌和殺菌有分別!起居生活清潔消毒│抗菌和殺菌有分別! 跟風DIY大熱「400次咖啡」│綿滑咖啡泡潛藏健康危機跟風DIY大熱「400次咖啡」│綿滑咖啡泡潛藏健康危機 一日3餐快餐熱量不超標│3個最低熱量套餐選擇一日3餐快餐熱量不超標│3個最低熱量套餐選擇 健康飲食少糖少鹽│提防4款調味醬隱藏高糖高鈉健康飲食少糖少鹽│提防4款調味醬隱藏高糖高鈉 免費氣能掃描檢測!約10分鐘了解能量、經絡健康狀況免費氣能掃描檢測!約10分鐘了解能量、經絡健康狀況 炸物沾番茄醬美味倍增│番茄醬高糖高鈉含味精│長期多食恐致病炸物沾番茄醬美味倍增│番茄醬高糖高鈉含味精│長期多食恐致病 春季忽冷忽熱易染病│提升免疫力7個飲食要點春季忽冷忽熱易染病│提升免疫力7個飲食要點