支持環保轉用乾手機 點知有份勁散播病菌? | likemagazine.com.hk
Beauty & Health
支持環保轉用乾手機│點知有份勁散播病菌?

支持環保轉用乾手機 點知有份勁散播病菌?

肺炎病毒已經喺社區傳播,防疫重點係勤洗手。洗手後,雙手濕,用抹手紙抹乾手,係你嘅習慣嗎?未爆發疫情前,有環團指洗手用抹手紙被指唔環保,力促大家用乾手機。不過,去年有研究發現,乾手機勁多菌。不過,相信喺依家抗疫關鍵時刻,多數人會將環保放埋一邊,防菌保命最緊要。

 

乾手機助散播細菌

世界綠色組織曾經喺香港做過調查,香港人每日棄掉嘅抹手紙,數量約等於2,145架雙層巴士。為支持環保,近年綠色潮流鼓勵大家洗手後用乾手機整乾手。不過,近年有研究又話,用乾手機會助長細菌散播。有報道引述,2015年一項研究得出,用噴氣式乾手機比熱風乾手機傳播細菌多60倍,相比用抹手紙更多出1300倍。另外,2019年有研究指,喺公共廁所嘅乾手機驗出含有對至少1種抗生素有抗藥性嘅細菌。2018年發表的一項研究發現,熱風乾手機會從空氣中接收細菌,接著再將這些細菌吹到剛洗過的手上。

 

理大於2017年做過研究,從本港55個公共洗手間採集樣本,結果發現,公廁眾多設施中,噴射式乾手機細菌含量第二高,每平方厘米有142粒菌落。研究人員指出,部份乾手機設開關按鈕,或成交叉渠道;另有部分乾手機嘅底部容易盛載污水,若清潔頻率不足,易滋生細菌。此外,大部大部分人使用乾手機時未有完全吹乾雙手,若之後推門,變相又污染隻手,所以提醒,暖風乾手機至少40秒才能完全吹乾。

 

勤洗手減染菌

用抹手紙唔環保,但用乾手機又話多菌,點做先好?有外國學者就叫大家唔使擔心咁多,佢話其實日常生活根本避免唔到接觸細菌,所以只要大家經常洗手,尤其如廁後及食嘢之前,就可以減低染菌生病嘅機會。

 

 

你或會有興趣的相關文章:

肺炎疫情下搭飛機│揀窗口位坐較安全

 

 

 

TEXT: MaryLin

相關文章
紫藍色花茶夢幻療癒│蝶豆花泡茶3類人慎飲紫藍色花茶夢幻療癒│蝶豆花泡茶3類人慎飲 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 新冠肺炎比沙士易感染眼部│在公共場所咪隨便摸眼捽眼新冠肺炎比沙士易感染眼部│在公共場所咪隨便摸眼捽眼 40歲以後日曬後臉出斑│咪以為雀斑可能係老人斑40歲以後日曬後臉出斑│咪以為雀斑可能係老人斑 噴霧式清潔劑使用方便│吸入過量可致肺部纖維化噴霧式清潔劑使用方便│吸入過量可致肺部纖維化 多飲水食蔬果仍然便秘│專家建議3個另類方法多飲水食蔬果仍然便秘│專家建議3個另類方法 中年人血脂失調危健康│5種食物助降膽固醇中年人血脂失調危健康│5種食物助降膽固醇 小便有泡擔心腎有事?│要分清泡沫尿和蛋白尿小便有泡擔心腎有事?│要分清泡沫尿和蛋白尿