瞓醒總覺周身痛│ 可能因為瞓覺無翻身!| likemagazine.com.hk
Beauty & Health
瞓醒總覺周身痛│可能因為瞓覺無翻身!

瞓醒總覺周身痛│ 可能因為瞓覺無翻身!

一覺瞓醒,有人覺腰痛。明明瞓咗成晚,有足夠休息,點解都係痛。日本復健醫學專家指出,可能因瞓覺時無翻身有關。

 

無翻身致腰痛

好多上班族都有腰痛問題,除咗因為坐得多欠運動、坐姿不正確等問題外,瞓覺時無翻身都可能係痛楚嘅根源。原來我哋瞓覺時,4成體重會壓喺腰部。而腰部區域內,有著多個內臟和保護臟器嘅內臟脂肪。如果瞓覺時無適時翻身,腰部過分受壓,會導致呢個部位附近嘅血流量變少,造成缺氧狀態。呢個時候,肌肉纖維會釋放大量發炎物質,長期下來,腰便會痛。除此之外,當無適度翻身,腰骨往下沉都會壓到敏感嘅韌帶,加刻疼痛。

 

自我保護本能

正常情況下,我哋瞓覺時,一晚翻身可達數十次。翻身係自我保護嘅本能,目的為促進身體循環。如果喺睡覺幾小時內,一直保持相同嘅姿勢,也會讓持續受到壓迫嘅肌肉疼痛,甚至骨骼移位歪斜。另外,我們瞓覺時無意識咁翻身,其實都係為身體溫度作出調節,令自己瞓得更好。此外,翻身仲有一個功用,就係讓睡眠嘅快速眼動期順利切換到非快速眼動期,睡眠由淺度進入深度。當然,要知道自己瞓覺時有無翻身有啲難度,但可以試下從另一個角度搵到答案。例如每朝瞓醒後覺周身痠痛,或者瞓覺好醒瞓,代表你瞓覺時可能無好好翻身。

 

調整環境讓順利翻身

點至可以瞓得好,睡得香甜,有足夠翻身?其實瞓得舒服係重點。你可以從「床褥」、「被」、「枕頭」、「睡衣」幾個方向,將環境調整到令你可以順利翻身,咁就可以瞓得好。

 

床褥

太軟或太硬都唔好,一定要適中。太軟會令背部和屁股都沉落去,對腰和頸造成負擔,而且都唔好翻身。床褥太硬,瞓落去覺得有嘢哽住,瞓得唔舒服,無可能瞓得好。彈性和硬度外,其實張床寬度都重要。雖然香港居住環境出名狹小,但盡可能留多啲空間放床,床嘅空間大啲,有足夠空間可以翻身,亦可分散身體壓力。

 

宜選輕盈、沒有壓迫感,冬被要保溫之餘,質料最好疏氣排汗,讓被窩內唔會太焗太悶熱。另外,被蓋喺身上如果不夠貼身嘅話,會造成肩頭或腳板底「漏風」,每次一翻身就會有冷空氣灌入嚟,令人瞓得唔舒服。

 

枕頭

枕頭唔啱瞓,唔止阻礙我哋翻身,更會引發其他健康問題如:頭痛、肩膀僵硬等。選購枕頭時,要留意枕頭嘅高度和形狀要能維持頸椎自然嘅S曲線,尺寸、硬度、重量都要適中。

 

睡衣

好多人隨便著舊衣如運動衫、T恤等當睡衣,覺得睡覺無人見到,無乜所謂。其實睡衣好重要,唔係為形象,而係質料、剪裁等對睡眠質素有一定影響。理想睡衣質料要吸汗、疏氣,純棉和真絲由於觸感良好,有助令人更易入眠。款式方面,短袖、短褲、露肩等都不建議,總之露出部位愈少愈好,因為瞓覺時睡衣能為身體帶來一定保暖作用。有帽、有領都不可取,因為有機會瞓覺時壓到項頸部,導致不自然睡姿。

 

 

你或會有興趣的相關文章:

過勞損腦力令人變蠢善忘│5大建議減壓放輕鬆

以為藍光搞到瞓唔到?其實黃光更令人醒神

 

 

TEXT: MaryLin

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆