日夜戴口罩塊面勁出暗瘡 8個除暗瘡要點| likemagazine.com.hk
Beauty & Health
日夜戴口罩塊面勁出暗瘡│8個除暗瘡要點

日夜戴口罩塊面勁出暗瘡 8個除暗瘡要點

新型冠狀病毒已有跡象喺社區暴發,市民大眾出街都戴上口戴,防疫保健康。長時間戴住口罩,除咗焗住唔舒服外,更多人反映面部出暗瘡。雖然依家人人時刻戴住口罩,塊面生咗暗瘡都唔多人見到,但食飯時都要除罩,到時畀同事朋友見到咪好樣衰?戴罩但要防暗瘡,其實都有辦法!

 

又焗又濕助細菌生

凡事都要知點解,知道原因先可以有解決辦法。點解戴口罩特別易生暗瘡呢?戴住口罩時,吸濕氣被困住喺口罩裡面,又焗又濕嘅環境有利細菌滋生,加上皮膚失衡,油脂分泌過盛,堵塞毛孔,於是暗瘡大爆發。另外,口罩材料主要為不織布,原來部分人對呢種質料敏感;口罩膠水黏合位嘅一啲合成物質,都有可能令人過敏。撇除過敏因素外,日以繼夜戴住口罩,口罩磨擦面部皮膚,都有機會刺激皮膚,加劇不適感,而且當皮膚有缺口,細菌就可以乘虛而入,暗瘡就出現喇!如果女生超貪靚,戴口罩仍堅持上妝,為咗萬一要除罩都唔會失禮人,就要承擔化妝品有機會結合汗水、皮膚油脂和細菌,阻塞毛孔,令皮膚發炎發暗瘡嘅風險。

 

8個除暗瘡要點

疫情持續,出街唔可以唔戴罩,但又唔想生暗瘡,矛盾但唔係無辦。

1 盡量避免長時間佩戴口罩,喺在低風險嘅環境下可以脫下口罩。

2 同一個口罩亦不應長期使用,每隔34小時就需要更換。

3 如果對某款口罩出現過敏,應馬上停用,並轉用其他。

4 可以嘅話,選用立體設計或防敏型或保濕型嘅口罩,口罩內多啲空間,減少刺激皮膚。

5 日常使用保濕產品護膚,保持皮膚水油平衡。如發覺皮膚勁出油,日常護膚使用具控油功效嘅產品,減少面油。

6 最好唔好化妝。

7 每日返到屋企除低口罩後,做好潔膚工序,徹底清潔皮膚,去除污垢。另外,每星期一至兩次深層清潔,去角質、暢通毛孔。

8 為免暗瘡惡化,咪唔理佢。塗適量具消炎作用嘅暗瘡產品,加強殺菌消炎,消除紅腫脹痛不適感。

 

 

你或會有興趣的相關文章:

民間偏方牙膏消暗瘡│抗菌力微刺激致發炎

運動後肌膚變乾出粒粒?5個運動護膚tips

 

TEXT: MaryLin

相關文章
步入熟齡血壓高│一周3次毛巾操│助降壓又無副作用步入熟齡血壓高│一周3次毛巾操│助降壓又無副作用 快速解辣飲水唔得架!真正解辣靠呢啲快速解辣飲水唔得架!真正解辣靠呢啲 U型渠內貯水阻疾病傳播         放梘水check渠道有無漏氣U型渠內貯水阻疾病傳播 放梘水check渠道有無漏氣 企得多行得多足底受壓過勞    兩招舒緩足底筋膜炎企得多行得多足底受壓過勞 兩招舒緩足底筋膜炎 想長壽,飲食要唔怕臭!│日食納豆降死亡率10%想長壽,飲食要唔怕臭!│日食納豆降死亡率10% 火龍果低熱量高纖                        紅肉白肉營養大不同火龍果低熱量高纖 紅肉白肉營養大不同 常睇屏幕處理文書│雙眼睛疲勞又乾澀│調較呢3項升閱讀舒適感常睇屏幕處理文書│雙眼睛疲勞又乾澀│調較呢3項升閱讀舒適感 食得好提升免疫力防疫│ 中醫分享養生健康飲食法         食得好提升免疫力防疫│ 中醫分享養生健康飲食法