約會點打扮提升脫單機會?男女約會打扮3寶| likemagazine.com.hk
Special
約會點打扮提升脫單機會?	男女約會打扮3寶

約會點打扮提升脫單機會?男女約會打扮3寶

好快就到情人節。雖然疫情影響下,有情人未必有心情慶祝,但仍未脫單嘅人嚟講,呢一日始終係個機會,讓佢哋向心儀嘅人表白。究竟點至可以取得異性歡心?台灣交友App做咗調查,發現男女約會時只要揀啱衣著和打扮,取悅對方,大大提升求偶機會率。雖然台灣人喜好和口味同香港人唔同,但無妨作為參考,知己知彼嘛!

 

女生米色衣好吸引

所謂人靠衣裝,雖然有人反對話內涵比外表重要,但具有吸引嘅外觀無可否認令人更易喺人群中突出,獲得注視。約會時候,衣著打扮都係令對方對你加分嘅關鍵。台灣交友App做咗調查,發現8成男網友認為女生著淡粉色、米色色系更吸引,因為充滿女性溫柔感。若果女生卻加強獵男成功率嘅話,衣著打扮上考慮3種必勝物:黑絲襪、耳環和香水。原來超過9成男生認為黑絲誘惑難抗拒,若隱若現嘅女性魅力最令佢哋心神蕩漾。另外,女生嘅頸部向來令男人充滿遐想,絕對係性感誘惑,所以女生戴上垂墜式耳環,言談時耳環不斷搖動,令人眼光跟隨落在頸部,7成男人受不了引誘。至於第三位嘅加分恩物香水,相信好多女生都明白香氣嘅力量。約50%男生都表明喜歡聞女生身上嘅味道,甚至會偷偷聞女生髮香。

 

似偶像劇男主角出場加分

男女大不同,點樣打扮嘅男生會較容易得到女生嘅垂青呢?調查指出,70%女生覺得手錶係凸顯男生成熟氣息嘅物件。女生呢個表態,唔知係咪因為覺得手錶與時間、守諾等有關連呢?另外,初次見面,女生少不免有幻想。幻想從何而來呢?偶像劇有一定影響因素。所以男生以休閒感重嘅「西裝外套」作為衣裝,如偶像劇中男主角出場一樣,取勝機會更高。最後,40%女生會觀察對象結帳時一刻嘅表現,如有用銀包整齊收納銀紙或信用卡等,印象更佳。如付帳時,男生隨手喺衫袋裡拎錢出嚟,實在太糟糕。

 

 

TEXT: MaryLin

相關文章
2020年鼠年犯太歲生肖+拜太歲攻略2020年鼠年犯太歲生肖+拜太歲攻略 澳洲山火樹熊受災        眾籌助養救樹熊澳洲山火樹熊受災 眾籌助養救樹熊 飼養寵物鼠請三思        事前了解寵物特性免棄養飼養寵物鼠請三思 事前了解寵物特性免棄養 廁紙一卷難求成賊人目標│話你知關於廁紙嘅5件事廁紙一卷難求成賊人目標│話你知關於廁紙嘅5件事 青年宿舍1月4日截申請          獨居百幾呎每月只$4XXX青年宿舍1月4日截申請 獨居百幾呎每月只$4XXX