飛機坐經濟艙屈住坐周身痛│ 上機隨身帶網球鬆一鬆| likemagazine.com.hk
Beauty & Health
飛機坐經濟艙屈住坐周身痛│上機隨身帶網球鬆一鬆

飛機坐經濟艙屈住坐周身痛│ 上機隨身帶網球鬆一鬆

香港人係旅行精,世界邊個角落有新奇刺激好玩靚風景考唔到佢哋,但係無論去世界邊個地方,相信最難挑戰係長途飛機。一般人出遊都係坐經濟艙,座位空間非常有限,長時間屈住坐喺位,唔止腰頸繃緊,雙腳更因伸唔直,又痺又麻。當然,喺可行情況下,起身行下,伸下手腳,可以加強血液循環;但當無法子離開個位時,隨身帶定兩個網球,都可以幫你舒緩身體僵硬嘅不適。

 

久坐唔郁影響血循環

坐長途機,長時間唔郁,有機會患上「經濟機艙症候群」。由於坐飛機受環境所限少郁動,腳部較深處嘅靚脈血液或形成血塊,阻礙血液由腳部回流到心臟,造成血管栓塞。嚴重嘅話,血塊流入肺部,導致肺栓塞,可能死亡。要避免出現以上健康問題,坐長途機時,衣著最好鬆身,唔好束住手腳,保持血液循環流暢。另外,適當時候起身離開座位,走動一下,讓手腳有伸展機會。萬一真係唔方便行開,建議上機時隨身帶有兩個網球,用嚟按摩身體,有助血液循環。

 

網球滾肌肉緩痛

網球係簡單又易攜嘅隨行「按摩器」,只要放喺僵硬肌肉上來回滾動,便可刺激血液流動。當坐飛機坐得耐,覺得身體肌肉繃緊僵硬時,用網球在肩膀、背部、大腿、小腿等地方輕輕施壓並棶回滾動,便可有放鬆之效。特別係坐經濟艙,雙腳屈住,感覺最難受。呢個時候,將網球放到腳底下來回滾動一下,就可放鬆雙腳,減少麻痺感覺。有醫生建議,即使無網球喺手,坐飛機時,用手按摩兩腿,由腳踝慢慢往上,都對血液流向心臟有幫助。

 

你或會有興趣的相關文章:

肺炎疫情下搭飛機│揀窗口位坐較安全

搭飛機自攜水樽裝水│支持減塑保護海洋生態

 

TEXT: MaryLin

相關文章
【健康Tips】生活緊張睡得唔好 |瑜伽改善失眠淺睡【健康Tips】生活緊張睡得唔好 |瑜伽改善失眠淺睡 【小編試用報告】韓國首創1+2混合配方│自製個人專屬洗髮露【小編試用報告】韓國首創1+2混合配方│自製個人專屬洗髮露 【小編試用報告】每次經期痛到變蝦米│調經油按摩行氣活血減痛【小編試用報告】每次經期痛到變蝦米│調經油按摩行氣活血減痛 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學