體溫幾多度先係發燒? 耳探量體溫原來有技巧!| likemagazine.com.hk
Beauty & Health
體溫幾多度先係發燒?	耳探量體溫原來有技巧!

體溫幾多度先係發燒? 耳探量體溫原來有技巧!

新冠肺炎疫情蔓延,其中一個病徵係發燒,好多家長都擔心子女健康,防疫期間不時為子女探熱,買個安心保障。究竟體溫到幾多度先算發燒?家長用耳探為子女量體溫有乜要注意?

 

點至算發燒?

正常人體溫一般為為攝氏3537.5度。所謂嘅發燒,係指身體內部嘅中心體溫超過咗正常溫度。發燒係身體免疫系統自然抵禦嘅反應,大部分嘅發燒係由感染引起,少部分由體內細胞發炎所導致。醫生話,發燒嘅溫度視乎患者年齡而不同,02歲,攝氏38度仍屬正常體溫。3歲起,超過37.5度已經算發燒。至於11歲以上,體溫達37.6度以上先係發燒。以上發燒溫度,講緊係用耳探量度嘅溫度,若用探熱針喺身體其他部位測體温,發燒溫度定義唔同,例如腋溫要達攝氏37度先係發燒,肛溫達38度先係發燒。

 

耳探點用至正確?

傳統水銀探熱針使用麻煩又易跌爛,近年愈來愈多人轉用耳探方式探熱,使用起來更方便,而且準確可靠。使用耳探時,好多人以為將探熱器塞入耳仔就得,原來咁做,量出嘅體溫未必最準確。建議做法係先將耳仔向後拉,再向上拉,然後先放入探熱器。探熱器伸入耳仔裡面愈深愈好。拉耳仔嘅目的係拉直耳道,令紅外線直接射到深處,得出體溫更準確。為確保得出體溫數字準確,建議左右耳仔都探,以較高溫數值為準。

 

 

你或會有興趣的相關文章:

患病多飲水快啲好?補充蛋白質維他命C痊癒更快

過量飲手感冒熱飲可傷肝│易入口都係藥無病咪飲

 

TEXT: MaryLin

(更新:16/3/2020)

相關文章
新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適 冬天瑜伽|懶人暖身教學 冬天瑜伽|懶人暖身教學