四眼族戴口罩鏡片現霧氣好尬尷│ 兩招可KO!| likemagazine.com.hk
Beauty & Health
四眼族戴口罩鏡片現霧氣好尬尷│兩招可KO!

四眼族戴口罩鏡片現霧氣好尬尷│ 兩招可KO!

戴口罩係防疫其中一道重要防線,幸好依家天氣仍然涼涼地,戴住罩未至於焗到唔舒服,但對戴眼鏡嘅人嚟講,始終有尬尷時候。當呼氣時,霧氣上升,眼鏡濛查查。唔想咁,只要做好兩步,就可以解決問題!

 

正確戴口罩3要訣

疫情影響下,全城搶口罩。辛苦搶到口罩,都要戴得啱先可以得到保護,否則有罩同無罩無分別。首先,一齊嚟重溫戴口罩3個要訣:「開即檢」、「戴好要拉」及「壓鼻樑」。

 

開即檢

市面買到嘅口罩,無論有無獨立包裝,戴之前先快速檢查一下,有無破損,因為有損毁嘅口罩唔可以俾到保護你。之後,分辨口罩底和面,一般而言,有顏色嘅一面向外。若果你買嘅係全白色口罩,就要睇摺紋。摺紋朝向而且向下嘅係外面。之後分上下,鼻樑位有幼鐵片嘅係上。

 

戴好要拉

唔想口罩移位或戴斜咗,唔好睇又失保護,建議戴口罩前先輕輕對摺,搵出中間位,然後將口罩中間位放喺鼻樑上。對好位,勾好耳掛,然後將口罩拉到下巴位。

 

壓鼻樑

輕輕壓一壓鼻樑位嘅鐵片,讓口罩與鼻緊密結合。

 

兩招減霧氣湧上眼鏡

戴口罩時眼鏡容易起霧,原因係於呼吸時熱氣從口罩接縫處上升,接觸到冷空氣後凝結喺鏡片上。鏡片濛查查,唔止外觀唔好睇,重點係危險。萬一睇霧升起一刻睇唔清而遇意外,即使係輕微嘅仆倒或撞到硬物,都無人想。日本警視廳警備部災害有兩道小技巧,可以協助大家即便戴口罩,眼鏡也不會起霧!方法一係將口罩鼻樑鐵片位向外摺一小段,然後正常戴上口罩,再壓緊鼻樑位鐵片。當呼吸時,空氣會集中向鼻嘅兩邊排出,可以避免接觸到眼鏡。方法二係將一張紙巾摺成條狀,然後墊喺口罩上方。再壓緊節樑嘅鐵片。咁做可以加厚口罩和鼻子接觸嘅地方,令口罩更貼面,外面又睇唔到。不過以上兩個方法只限最普通款式,長方形片式口罩,如係立體口罩,設計上已顧及呼及霧氣散嘅問題,所以唔使多此一舉。提醒大家,咁樣做法雖然可減霧氣,從佩戴舒適度嚟講係OK,但從防疫角度,呢兩個減霧方法可能影響口罩嘅結構設計,減低保護度,大家要自行衡量一下。

戴口罩防霧

 

 

你或會有興趣的相關文章:

抗疫關鍵時刻│出街戴口罩│返家後即做4動作

 

TEXT: MaryLin

相關文章
戴口罩保護未夠全面│點解醫生籲戴眼鏡防疫?戴口罩保護未夠全面│點解醫生籲戴眼鏡防疫? 年紀大周身痛痛痛...│熱敷緩痛3大安全守則年紀大周身痛痛痛...│熱敷緩痛3大安全守則 踢走豪華臀!每天只需4分鐘修臀及瘦臀練習踢走豪華臀!每天只需4分鐘修臀及瘦臀練習 控重成功在timing│揀啱時間食三餐控重成功在timing│揀啱時間食三餐 抱B用錯力或常用滑鼠易患「媽媽手」                           中醫教3個動作放鬆止痛抱B用錯力或常用滑鼠易患「媽媽手」 中醫教3個動作放鬆止痛 揀錯蔬菜一樣食肥人!              6款低熱量蔬菜揀錯蔬菜一樣食肥人! 6款低熱量蔬菜 提子外皮白霜係農藥?泡洗時加呢樣乾淨晒!提子外皮白霜係農藥?泡洗時加呢樣乾淨晒! 舌頭反映身體狀況│朝早刷牙觀舌check健康          舌頭反映身體狀況│朝早刷牙觀舌check健康