防疫關鍵咪亂信網絡傳言│提醒親友3個瘋傳錯誤防疫資訊| likemagazine.com.hk
Beauty & Health
防疫關鍵咪亂信網絡傳言│提醒親友3個瘋傳錯誤防疫資訊

防疫關鍵咪亂信網絡傳言│提醒親友3個瘋傳錯誤防疫資訊

武漢肺炎疫情持續,內地連西藏都失守,所有省分都有確診個案。現階段,人人自危,諗盡方法防疫。除咗出街戴口罩、勤洗手、用酒精搓手液消毒雙手外,網絡瘋傳各種消息,包括防菌方法、口罩消毒法等。當中唔少係假料或錯誤資訊。就算大家擔心疫情,都要保持精明,唔好俾人呃。

 

1. 網傳病毒不耐高溫,叫人在家時開暖氣就可防菌。

錯!雖然有病理生物學專家指出,病毒的確不耐高溫,而且離開人體後無法存活太耐,但呢個特徵非冠狀病毒獨有,好多病毒都係咁。亦因為病毒怕熱,所以流行性感冒常發生喺冬季,夏天唔容易流行。不過,咁唔代表室內開暖氣可以防菌。因為若室內開咗暖氣,室溫約攝氏2030度,呢個溫度不足以殺菌,病毒喺呢個溫度仍可以存活一陣。若室內有病毒,再開暖氣,由於空氣被困住,反而令空氣中病毒濃度增加,增加感染嘅風險。所以呢,要防疫,最重要係保持空氣流通,家居要通風。

 

2 全城瘋搶口罩,口罩一個難求。買唔到口罩,口罩要重用,只要加啲具殺菌功效嘅精油喺口罩面,就可消毒殺菌。

錯!千祈唔好將任何液體滴落口罩,因為會破壞口罩嘅結構,失去阻隔、過濾病毒嘅功能。衞生防護中心強調,外科口罩只能用一次,係即棄式,不能重用。所以大家唔好再信任何可以消毒口罩再重用嘅方法。

 

3 全港口罩唔夠用,有人執二手口罩再用或再賣。網絡有人教路,為杜絕二手口罩,呼籲大家丟口罩前剪爛佢或用筆喺口罩面寫上「USED」字眼或畫花佢。

錯!千祈咪咁做。當你剪口罩時,口罩上嘅病菌細菌會飛到周圍都係,若無戴住口罩剪,有可能受感染。呢個行為亦會令病菌散開,變相幫手播菌。將戴過嘅口罩畫花寫字,都一樣危險。口罩嘅防疫原理係阻住啲病菌喺外層,等我哋唔會吸入肺部。所以除口罩時,唔好用手掂到口罩外層。叫人喺口罩外層寫字,等於直接接觸病菌,咁之前戴口罩防疫嘅工夫就白費。另外,寫字時,有可能接觸到病菌,若果寫字後你無跟手消毒雙手,之後摸耳摸眼摸口,就會將病毒帶入體內,自招病源。重要事情講三次,無論戴口罩或除口罩,必要消毒清潔雙手;另外,用過嘅口罩除下後,口罩內面往外摺,然後將口罩放入膠袋或紙袋內,再掉入有蓋垃圾桶。記住,之後要洗手。

 

 

你或會有興趣的相關文章:

武漢肺炎喺哺乳類動物傳播│北京寵主瘋搶狗口罩護狗

全城消毒搓手液賣斷市?大學教授教你DIY

 

 

 

TEXT: MaryLin

相關文章
氣炸鍋用少啲油真健康? 高溫烹調一樣釋致癌物氣炸鍋用少啲油真健康? 高溫烹調一樣釋致癌物 新婚夫婦甜蜜枕住手臂瞓         小心患「蜜月手」痛到舉唔起新婚夫婦甜蜜枕住手臂瞓 小心患「蜜月手」痛到舉唔起 揀錯蔬菜一樣食肥人!              6款低熱量蔬菜揀錯蔬菜一樣食肥人! 6款低熱量蔬菜 牛奶飲品唔同鮮牛奶                   買奶睇標籤睇真啲牛奶飲品唔同鮮牛奶 買奶睇標籤睇真啲 空氣污染傷身更傷腦                   最新研究增患腦退化降記憶力空氣污染傷身更傷腦 最新研究增患腦退化降記憶力 天氣凍打邊爐暖笠笠                   唔想肥緊記7大要點天氣凍打邊爐暖笠笠 唔想肥緊記7大要點 心源性猝死年輕化        常發生在冬天及清晨時分心源性猝死年輕化 常發生在冬天及清晨時分 頭髮反映健康狀況        日甩百條頭髮屬正常頭髮反映健康狀況 日甩百條頭髮屬正常