勤洗手防疫低成本高效益│你洗手方法正確嗎?| likemagazine.com.hk
Beauty & Health
勤洗手防疫低成本高效益		你洗手方法正確嗎?

勤洗手防疫低成本高效益│你洗手方法正確嗎?

肺炎疫情嚴峻,港大微生物學系講座教授袁國勇話未來14日係關鍵日子,叫大家要守住,呼籲大家外出時要戴口罩,隨身帶備酒精搓手液及減少與他人接觸。其實抗疫自保,勤洗手都好重要。世衞有數據指出,用皂液洗手,方法簡單,亦係最具成本效益嘅疾病預防方法。

 

咩時候要洗手?

若果記性好,應該記得2003年沙士爆發時,當時特首夫人嘅金句:「洗手!洗手!洗手!」的確,洗手係最有效防止疾病傳播嘅方法。咁喺咩時候要洗手呢?衞生防衞中心有以下建議:

(a) 在接觸眼、鼻及口前﹔

(b) 進食及處理食物前﹔

(c) 如廁後﹔

(d) 當手被呼吸道分泌物染污時,如打噴嚏及咳嗽後﹔

(e) 為幼童或病人更換尿片,或處理被污染的物件後;

(f) 接觸動物、家禽或其糞便後;

(g) 處理垃圾後;

(h) 觸摸過公共物件,例如電梯扶手、升降機按鈕或門柄

後﹔

(i) 探訪醫院、院舍或護理病人之前後﹔

(j) 任何時候當你發覺雙手骯髒。

 

搓手係重點

洗手時唔係就咁用水沖,重點係搓手。雙手用水弄濕,加入梘液,最少搓20秒,手掌、手背、指隙、指背、拇指、指尖要搓,記住手腕都一樣要搓。搓好後用清水沖乾淨,然後用抹手紙抹乾雙手,再用抹手紙關上水龍頭。

 

留意搓手液有效期

衞生防衞中心話,如果雙手無明顯污垢,可以用70-80%酒精搓手液潔淨雙手。按世界衞生組織建議,大部份酒精搓手液內含乙醇、異丙醇、正丙醇或其組合。大家選購或使用酒精搓手液時,應注意使用期限。有皮膚科醫生表示,若搓手液本身無經抽真空處理,包裝內空氣藏有細菌,需靠化合物抑菌,當有關化合物隨時間失去功效,搓手液便有機會成為細菌溫床。萬一雙手有傷口,而又用咗呢啲過期失效兼潛藏細菌嘅搓手液,就有機會增加細菌感染機會,一般人用亦可能有致敏風險。

 

按此觀看使用梘液及清水洗手示範短片

按此觀看使用酒精搓手液潔手示範短片

 

 

你或會有興趣的相關文章:

【連結懶人包】消委會公開免費下載 口罩、搓手液等防疫產品測試報告 | 武漢肺炎

【正確戴口罩】一眼分清正反面!預防肺炎,戴啱口罩先有保護力

 

 

TEXT: MaryLin

 

 

相關文章
早餐第一口宜暖忌凍   理想早餐含3類食物早餐第一口宜暖忌凍 理想早餐含3類食物 寵主唔使恐慌│世衛: 未有證據顯示貓狗會染武漢肺炎寵主唔使恐慌│世衛: 未有證據顯示貓狗會染武漢肺炎 懶人開餐連袋加熱就食得         預先包裝食品安全食用?懶人開餐連袋加熱就食得 預先包裝食品安全食用? 新手扮大廚	炒飯炒蛋定炒飯先?新手扮大廚 炒飯炒蛋定炒飯先? 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 抗疫關鍵時刻│出街戴口罩│返家後即做4動作抗疫關鍵時刻│出街戴口罩│返家後即做4動作 烘多士美味但含致癌物?                         薯片炸薯條餅乾少食為妙烘多士美味但含致癌物? 薯片炸薯條餅乾少食為妙 膝頭長期受壓 上落樓梯嘅方法,你真係識?膝頭長期受壓 上落樓梯嘅方法,你真係識?