全城消毒搓手液賣斷市?大學教授教你 DIY | likemagazine.com.hk
Beauty & Health
全城消毒搓手液賣斷市	香港大學教授親教自家製方法

全城消毒搓手液賣斷市?大學教授教你 DIY

新春活動,全城忙住搶口罩。搶到口罩未算叻,因為又輪到搶搓手液。市面上搓手液缺貨,買唔到其實可以自製。香港大學藥理及藥劑學系在facebookpost,由助理教授胡偉康教大家自行去藥房買材料,在家自製消毒搓手液。

消毒搓手液嘅配方有兩個,都係根據世界衞生組織嘅標準。製作方法非常簡單,大家不妨跟住做,保障自己及家人健康!

 

配方1成分:

乙醇(96%)80ML、甘油1.4ML、雙氧水(3%)4ML、蒸餾水100ML

 

配方2成分:

二丙醇(99%)75ML、甘油1.4ML、雙氧水(3%)4ML、蒸餾水100ML

 

買酒精注意濃度

兩個消毒搓手液配方成分差唔多,主要分別係一個用乙醇,一個用二丙醇,兩種都係酒精嘅一種,有消毒殺菌作用,而雙氧水效用都係用嚟殺菌。胡教授喺短片入面提醒大家,購買乙醇和二丙醇時,要向藥房講明濃度,因為一般買到嘅消毒酒精,酒精濃度只有75%

如果買唔到99%二丙醇,佢話可以用一般75%濃度嘅酒精代替,但製作時唔使加蒸餡水,直接加入甘油和雙氧水就得。配方中使用嘅蒸餡水,最好煲滾後放涼先用;若果屋企無蒸餡水,用濾水器過濾嘅水,同樣煲滾後放涼用都可以。配方中使用甘油,目的係令消毒成分逗留喺手上時間耐啲,保持消毒效果。

 

兩星期內最好用晒

製作消毒搓手液時,將成分準確量好,然後逐一加入,攪勻(直至見唔到甘油浮喺面),然後將混合液放入乾淨嘅膠樽內。留意,喺量雙氧水時,千祈唔好用金屬容器,建議去藥房買針筒。無針筒嘅話,用一般外賣膠匙都可以,4ML大概係大半隻膠匙。

消毒搓手液入樽後要寫明成分,而且放置喺小朋友拎唔到嘅地方。另一點要注意係,完成後需要等待72小時先可以使用,咁至可以確保製作期間或樽裡面嘅微生物都被消滅。自家製消毒搓手液嘅最佳使用期係製作後兩星期內。大家記住喺樽身mark好日期。

 

按此睇教授示範短片

 

 

你或會有興趣的相關文章:

冬季流感高峰期  高溫殺菌潔淨家居保健康

洗衫勁落洗衣液  小心殘留刺激皮膚過敏

 

 

 

TEXT: MaryLin

相關文章
最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 向日本OL偷師!纖體美肌首選小球藻向日本OL偷師!纖體美肌首選小球藻 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅