大掃除做家務手好痛 常做重複性動作易患「網球肘」| likemagazine.com.hk
Beauty & Health
大掃除做家務手好痛	常做重複性動作易患「網球肘」

大掃除做家務手好痛 常做重複性動作易患「網球肘」

家頭細務睇落簡單,做起嚟一啲都唔輕鬆。家庭主婦經常要拎住好重嘅餸菜、長時間切菜、重複抹擦家具地板等,有機會令手腕、前臂過分勞累;若用錯力或過度用力,令肌腱損傷或撕裂,可造成發炎疼痛。如果你近來無法拎重物、擰毛巾有困難等,可能患上「網球肘」,必須正視及盡快醫治,否則手尾長,影響生活質素。

 

手用力即覺痛

「網球肘」,顧名思意本來常見於打網球嘅人,主要因長期重複使用手腕或過度用力造成。醫學上,呢個痛症叫「肱骨外上髁炎」,多數患者每次用力時,位於手肘外側骨頭附近和手臂肌肉,甚至手腕或手指可能有疼痛感。除打網球外,一啲經常使用手部工作嘅人如廚師、水電工、搬運工人、家庭主婦,甚至經常使用電腦滑鼠嘅上班族都有機會患呢個痛症。患者必須得到適當嘅治療,否則會加快退化情況,並導致周邊肌肉萎縮。

 

冰敷消炎熱敷鬆肌肉

網球肘如屬急性發作,可以冰敷緩和發炎狀態。待腫脹消除後,可熱敷,促進血液循環,放鬆肌肉。家庭主婦如患網球肘,日常做家務時要留意姿勢動作,例如拖地時要以全身力量帶動肩膀和手臂,唔好單獨用手臂力;煮飯建議選用較輕嘅廚具,拎鍋鏟、菜刀時姿勢要正確,以免手部太受力。盡量減少提重物,買餸買糧可用手推車。如要持續做同一動作,做一段時間後便要休息一下,以免肌肉過度疲勞。戴護肘可讓受傷部位得到休息和保護,但唔好戴得太耐,否則影響血液循環。如痛楚持續或沒有改善,盡快睇醫生,以便接受適當嘅治療。

 

 

你或會有興趣的相關文章:

抱B用錯力或常用滑鼠易患「媽媽手」  中醫教3個動作放鬆止痛

拖地時家中嬰孩要避開  吸塵機揚塵污染家居空氣

 

 

 

TEXT: MaryLin

相關文章
少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康