新春難拒美食誘惑 事後唔食晚餐減肥得唔得?| likemagazine.com.hk
健康及美妝
新春難拒美食誘惑	事後唔食晚餐減肥得唔得?

新春難拒美食誘惑 事後唔食晚餐減肥得唔得?

拜年聚會美食多籮籮,當中唔少都係高糖高脂食物,多食幾啖,體重又增多。睇唔慣贅肉横生嘅自己,所以決定減肥,不過唔係地獄式,而係每日食少一餐,過午不食。以為咁真係減到肥嗎?短暫嚟講,可能見到輕微效果,但長期唔食晚餐,可能壞處更多。

 

長期唔食飯甩頭髮

對一般健康嘅人嚟講,持續幾日唔食晚餐應該撐得住。不過,長期唔食晚餐,始終對身體唔好,因為身體處於飢餓和低碳水化合物情況,身體嘅肌肉蛋白會流失,代謝會減慢,令人容易疲倦、怕凍,皮膚變乾無光澤,以及甩頭髮。如果本身有營養不良或其他疾病,唔食晚餐更唔可取,因為可能令營養流失更快,健康進一步受威脅。

 

加重腸胃負擔

再講唔食晚餐,對腸胃唔好。由於現代人作息無規律,工作時間愈來愈長,而且愈來愈夜瞓,加重腸胃負擔。身體為應付我哋嘅工作和娛樂,持續不斷消耗熱量,如果唔食晚餐,飢餓感令胃酸分泌增加,但由於無食嘢落肚,無嘢消化,胃酸過多有可能導致胃部不適,甚至胃潰瘍等。此外,持續唔食晩飯,無足夠營養和能量供應畀身體,令人無氣無力,精神難集中,工作和學習效率都會被拖低。

 

早開飯助控體重

為減肥唔食晚餐,結果對健康唔好,何必呢?真係想回復輕盈啲,晚餐要keep住食嘅話,其實應該食得智慧啲。例如減少飯麵等澱粉和肉類攝取量,改多攝植物性蛋白如豆腐等。晚餐盡量早啲食,能夠安排在晚上6時至8時最好,讓身體充足消化食物後先休息。即使放工後要應酬,小酌可以,適可而止,酒傷胃也傷肝,唔飲最好。如必要飲酒,事前飲暖牛奶或魚湯可保胃。

 

 

 

你或會有興趣的相關文章:

新春大口歎美食  小心屁屁會增多  泡杯茶除氣化屁!

新春返內地防肺炎外  鼠疫都要留神

 

 

TEXT: MaryLin

相關文章
【日本人氣】長期失眠不利心理及生理健康│優睡素改善睡眠質量瞓得好【日本人氣】長期失眠不利心理及生理健康│優睡素改善睡眠質量瞓得好 【健康Tips】夏天雨季來拒絕人蚊大戰│小編實測5種天然驅蚊法點評【健康Tips】夏天雨季來拒絕人蚊大戰│小編實測5種天然驅蚊法點評 【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞