延年益壽唔使求仙丹 7個長壽要訣| likemagazine.com.hk
Beauty & Health

延年益壽唔使求仙丹 7個長壽要訣

隨著醫療科技不斷進步,人嘅壽命愈來愈長。去年日本厚生勞動省公布數據,香港男女平均壽命全球最長,女性為87.56歲,男性為82.17歲,比公認為長壽嘅日本人更長命。長壽被視為有福氣,祝壽時又成日話「長命百歲」,但點至可以長壽呢?有外國研究整合咗7個長壽tips,做到或者有助延年益壽,活到過百歲。

 

1 減少外出食飯

雖然在家煮飯好麻煩,但做到嘅話,自己煮始終比外面食好。因為烹調時,可以自己控制調味煮法,遵從健康飲食守則。外國有研究指出,經常自家煮、少外出食飯嘅人,平均有47%嘅人可以多活10年。煮飯時,除咗緊記少油少鹽少糖唔好用高溫煮食物咁耐,以免破壞營養外,原來小酌都可降低心臟病風險。

 

2 睡眠時間唔多又唔少

眾所周知,睡眠不足對身體唔好,不過,瞓太多都未必好。英國有研究指出,每日瞓多過9小時,早死率升30%;如果每日瞓少過6小時,65歲前死死亡比例提高12%。咁瞓幾多至夠?美國抗癌協會曾經做調查,每晚平均瞓78小時嘅人,壽命最長。大家可以做參考。

 

3 咪咁早退休

日日由朝返工做到晚,對好多打工仔嚟講,願望之一係快啲搵夠退休。你以為愈早退休,享受生活,生活開心,人更健康長壽?睇怕如意算盤打唔響。因為有美國研究話,63歲退休嘅人早死率比遲退休嘅人多出20%。唔知係咪因為退休早,太歎,少郁動,反而影響健康呢?

 

4 多食紫色食物

飲食與健康息息相關。食物有多種顏色,原來紫色食物含有酚類,具有許多抗氧化功效如:抑菌、抗發炎、抑制動脈硬化等。血管好,健康好。全球最多人瑞嘅地方沖繩,當地人最鍾意食嘅係紫薯。紫薯含豐富酚類,唔怪得佢哋咁長命。

 

5 把運動融入生活

常運動身體好,其實唔係口號,已經有好多研究證明咗。不過,刻意去運動未必好,如無合適練習和熱身,勉強做可能傷身,得不償失。有研究指出,日本沖繩、意大利隆丁尼亞島等長壽地區嘅人,都會將運動融入生活,例如會踩單車去買嘢。不時低度運動,對身體傷害少,仲可以減卡路里,促進健康。

 

6 住喺高海拔地區

有去過高海拔地方旅行嘅人,都曾感受過行步路都心路加促嘅情況。原來高海拔地區氧氣較稀薄,會加促血液運行,有助減少心肌梗塞風險。大學研究指出,住喺高海拔地區嘅人平均壽命都比其他地區長2年。

 

7 遠離豬朋狗友

健康有心身之分。改變飲食,做運動,改變生活習慣等,主要針對身體健康。至於心靈,雖然無形,但對健康有重要影響。研究話,結交益友能讓生理、心理更健康,可降低壓力。相反,交損友好傷生,會讓疾病發病率增加逾5成。

 

 

 

TEXT: MaryLin

相關文章
宅在家避疫情                  長時間坐少活動易患血栓宅在家避疫情 長時間坐少活動易患血栓 飲牛奶會生痰?             其實係口水中黏蛋白作怪飲牛奶會生痰? 其實係口水中黏蛋白作怪 網傳肺功能測試唔可靠│護己護人│出現病徵及早求醫網傳肺功能測試唔可靠│護己護人│出現病徵及早求醫 經常唔食魚缺碘大頸泡                              狂食紫菜零食小心甲亢經常唔食魚缺碘大頸泡 狂食紫菜零食小心甲亢 勤洗手防疫低成本高效益│你洗手方法正確嗎?勤洗手防疫低成本高效益│你洗手方法正確嗎? 港人勤返工捱壞健康   比亞太區高7成有抑鬱港人勤返工捱壞健康 比亞太區高7成有抑鬱 喝了這四款養顏糖水,秋冬滋補又美容!喝了這四款養顏糖水,秋冬滋補又美容! 瞓唔著食靜岡蜜瓜?           含高量GABA有助入眠瞓唔著食靜岡蜜瓜? 含高量GABA有助入眠