以為藍光搞到瞓唔到? 其實黃光更令人醒神| likemagazine.com.hk
Beauty & Health
以為藍光搞到瞓唔到?	其實黃光更令人醒神

以為藍光搞到瞓唔到? 其實黃光更令人醒神

電子產品釋出嘅藍光,一直以嚟有好多研究都話藍光傷眼,同時影響睡眠。不過,最近又研究話,令人眼光光瞓唔著嘅並唔係藍光,反而黃光先令人保時清醒,先係失眼嘅原因。

 

光愈強愈干擾睡眠

英國媒體報道,英國一間大學研究團隊做咗個實驗,將老鼠暴露喺唔同光線下,觀察佢哋對唔同色溫和亮度嘅反應。結果發現,無論光線係咩色都好,只要光度愈強,就愈干擾睡眠。不過喺同樣偏低嘅亮度下,藍光反而比黃光令人更有睡意。研究員話,結果反映自然常態。情況好比日頭光線充足,而且光線偏白和偏黃,能抑制褪黑激素嘅分泌,使人保持清醒、有活力。日落西山後,光線轉暗而且偏藍,影響生理時鐘,身體內褪黑激素分泌增加,令人感到放鬆。

 

臨瞓唔玩手機最好

研究人員仲話,由於之前有講法話電子產品釋出嘅藍光傷眼,所以好多人夜晚玩手機時,會刻意改變熒幕顯示模式,使用偏黃色調,以為咁會對眼睛好啲。不過,亮白光或黃光原來有令人保持清醒、警戒嘅作用。一心諗住護眼,結果反而令自己更清醒,瞓唔著。如果你有失眠問題,經常眼光眼望天光,如要提升睡眠質素,甚至加快入眠,最好嘅做法係臨瞓前唔好玩手機。到咗瞓覺時間就熄燈瞓覺,唔好畀光源影響生理時鐘。

 

 

你或會有興趣的相關文章:

瞓前唔好玩手機  側身瞓住睇高危可致盲!

機不離手好傷眼  好爸媽幫仔女護眼做推拿

 

TEXT: MaryLin

相關文章
恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康