人有第二個胃食甜品?有時覺得飽因身體要轉口味| likemagazine.com.hk
健康及美妝
人有第二個胃食甜品?有時覺得飽因身體要轉口味

人有第二個胃食甜品?有時覺得飽因身體要轉口味

有人話,女人有兩個胃,一個食正餐,一個專食甜品。就算飯餐食到幾飽,一見甜品,第二個胃即時開動,多多都食得到。咪以為「女人有兩個胃」係講下笑,原來呢個講法有根有據。美國有營養學者指出,當人一直食相同食物就會覺得膩,身體會希望我哋食其他嘢,轉下口味。所以當你明明飽到上心口,但一見甜品仍然口水流,仍然可騰出胃納食甜品,就係咁解喇!

 

覺得飽未必真係飽

呢位營養學者為咗研究人類嘅吞嚥行為,做過一個實驗。受試者首要被要求食通心粉和芝士,當佢哋話食到好飽時,研究人員會再畀佢哋更多通心粉和芝士。喺另一次測試,當受試者食到飽時,研究人員就畀佢哋雪糕。結果發現,雖然受試者都係猛嗌飽,但食雪糕比通心粉和之士嘅分量係3倍咁多。學者解釋,有咁嘅情況係因為身體「特定感官飽足感」作怪。當我哋重複食同樣食物,我哋會好快覺得飽,但事實身體未必真係飽,而係發出訊號,話我哋知想食其他嘢。由於人係雜食動物,所以身體好聰明,用呢種反應,鼓勵我哋食多啲其他嘢。

 

食自助餐變大食原因

呢個身體機制除咗可見於食甜品之外,其實食自助餐都有咁情況。有人明明胃口細,但每次一去到自助餐,都可以變大胃,食得比平時多。咁係因為自助餐上有各種食物,身體好想我哋繼續食,所以比較唔容易產生飽足感。

 

 

你或會有興趣的相關文章:

10大Party最肥美食  營養師:第一位竟然係佢?

 

TEXT: MaryLin

相關文章
【健康Tips】夏天雨季來拒絕人蚊大戰│小編實測5種天然驅蚊法點評【健康Tips】夏天雨季來拒絕人蚊大戰│小編實測5種天然驅蚊法點評 【日本人氣】長期失眠不利心理及生理健康│優睡素改善睡眠質量瞓得好【日本人氣】長期失眠不利心理及生理健康│優睡素改善睡眠質量瞓得好 【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞【懶人瘦腿】OL久坐Sales長企腿變豬蹄│日本壓力襪瞓住覺消腫除疲勞 美國環保組織公布最污糟蔬果清單│士多啤梨長據榜首食前必要沖洗美國環保組織公布最污糟蔬果清單│士多啤梨長據榜首食前必要沖洗 【小編試用報告】每次經期痛到變蝦米│調經油按摩行氣活血減痛【小編試用報告】每次經期痛到變蝦米│調經油按摩行氣活血減痛 【小編試用報告】韓國首創1+2混合配方│自製個人專屬洗髮露【小編試用報告】韓國首創1+2混合配方│自製個人專屬洗髮露