抱B用錯力或常用滑鼠易患「媽媽手」 中醫教3個動作放鬆止痛| likemagazine.com.hk
Beauty & Health
抱B用錯力或常用滑鼠易患「媽媽手」		中醫教3個動作放鬆止痛

抱B用錯力或常用滑鼠易患「媽媽手」 中醫教3個動作放鬆止痛

家中有小寶寶降臨,全家上下歡天喜地。為咗好好照顧寶寶,好多媽媽都出盡心力,不過為咗給寶寶無微不至嘅照顧,有時會過分勞累和用錯力,結果患上「媽媽手」,近手腕嘅大拇指側無法出力或者持續疼痛。「媽媽手」唔係媽媽獨有,經常用滑鼠嘅上班族、攝影師、侍應,甚至經常單手滑手提電話嘅人都有可能患上。有中醫師表示,除咗透過推拿與針灸、放鬆肌肉群外,媽媽日常可做3個動作,都有放鬆止痛效用。

 

媽媽用力不當

「媽媽手」嘅得名,因為呢個病症常見於媽媽。由於婦女在做家務或照料小朋友例如扭毛巾、洗衫、抱BB等,不正確用力,手腕過度彎曲、大拇指過度外展,於是產生發炎反應。「媽媽手」在醫學上名稱係狹窄性肌腱滑膜炎,另稱狄魁文氏症,所指係大姆指近手腕嘅肌腱位置腫脹,壓迫到伸姆短肌及外展姆長肌嘅肌腱和滑膜,使通道變狹窄、肌腱和滑膜發炎腫脹,手腕姆指側出現疼痛,嚴重時會造成肌腱沾黏,大拇指及手腕的活動受到限制。

 

多做伸展和按摩鬆肌肉

中醫師話,除咗透過推拿與針灸放鬆肌肉群外,平時按摩曲池、尺澤、陽溪和列缺穴,都有放鬆止痛功效。另外,「媽媽手」患者日常可多做3個動作,伸展放鬆一下。

 

1 宣誓3

伸岀指,然後慢慢將大拇指朝小指方向移動,並壓於小指,手勢類似紀律團隊宣誓時嘅手勢。呢個動作維持6秒,每日做10次。

 

2 握拳下擺

做出握拳手勢,但拇指由四指包覆,然後將手腕向小拇指方向下壓,維持動作約6秒,每天做10次。

 

3 反掌上抬

伸掌,掌心向外,另一隻手輕握著手掌前指位置,並輕微用力把掌手向上扳。維持動作約1530秒,重覆做3次。

 

 

TEXT: MaryLin

相關文章
生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式