漂亮笑容人見人愛 遠離蛀牙少食5種食物| likemagazine.com.hk
Beauty & Health
漂亮笑容人見人愛		遠離蛀牙少食5種食物

漂亮笑容人見人愛 遠離蛀牙少食5種食物

牙齒跟我哋一世,人人都想牙齒健康。保持牙齒健康之道,由細學到大,除咗刷牙、用牙線清潔牙齒外,原來飲食都有影響。有5種食物容易傷牙齒,多食可能損害琺瑯質,或使細菌快使滋生。唔想一口蛀牙,要保持漂亮笑容,日常飲食要注意一下。

 

1 柑橘類水果

雖然柑橘類水果含有豐富維他命C,有助提升免疫力,但對牙齒唔多好,因為酸性高,容易腐蝕琺瑯質。有研究指出,同為柑橘類水果,葡萄柚和檸檬汁對牙齒傷害最大,橙汁較少。

 

2 可以O趙嘅糖

拖肥糖、軟身牛奶糖之類可以O趙嘅糖,如果愈黏口,對牙齒傷害愈大。因為糖會黏喺嘴裡,使口腔細菌容易沉積喺上面,繁殖及滋生。除此之外,細菌仲會產生酸性物質,溶解琺瑯。牙齒失去保護層,便容易蛀牙。

 

3 硬糖

有人鍾意食硬糖,因為糖慢慢喺口裡面溶,感覺耐食啲。雖然硬果唔似可以咬O趙嘅糖會黏牙,但係當喺口裡面溶開,糖分一樣會讓細菌滋生,而且糖慢慢溶,時間長,細菌有時間製造更多酸性物質,加上硬糖一般都加入檸檬酸,成口都係酸。如果食糖後無及時清潔口腔,想唔蛀牙都幾難。

 

4 梳打水

近手日本潮興各種口味嘅梳打水,透明嘅梳打水畀人純淨健康感覺,有氣增加食感,令唔少人愛上。不過,呢類飲品都加糖,還有檸檬酸和碳酸,都會腐蝕琺瑯質。

 

5 運動飲品

運動飲品嘅賣點係能迅速補充體力及解體渴,要達到呢個效果,飲品成分中加入大量嘅糖。糖係健康牙齒嘅大敵。外國曾有研究,將牙齒浸泡喺幾種飲品內25小時,然後檢查琺瑯質磨損情況。結果發現,其中一款運動飲品對牙齒磨損最嚴重。另外,一款市場暢銷嘅能量飲品都名列前茅。至於汽水,零卡可樂都位列三甲內。

 

飲嘢要用飲管

防止蛀牙,除咗少食以上食物外,仲要培養一啲小習慣,例如飲嘢時盡量用吸管,減少酸性食物和牙齒接觸;食完飯漱口或食無糖口香糖,清潔口腔;食完酸性食物,要隔15分鐘先好刷牙。另外,平時可多攝取奶製品、果仁、魚和肉來補充鈣質和磷質,也要多食新鮮蔬果增加維他命C和維他命A攝取。

 

 

 

你或會有興趣的相關文章:

爸媽用零食作獎勵  影響孩子健康降學習力

民間偏方牙膏消暗瘡  抗菌力微刺激致發炎

 

 

 

TEXT: MaryLin

相關文章
氣炸鍋用少啲油真健康? 高溫烹調一樣釋致癌物氣炸鍋用少啲油真健康? 高溫烹調一樣釋致癌物 體溫幾多度先係發燒?              耳探量體溫原來有技巧!體溫幾多度先係發燒? 耳探量體溫原來有技巧! 指甲反映健康狀況│即check 你係咪健康!指甲反映健康狀況│即check 你係咪健康! 氣溫下降冚幾張被保暖              冚被順序影響保暖度氣溫下降冚幾張被保暖 冚被順序影響保暖度 Party 後肌膚SOSParty 後肌膚SOS 咖啡唔係人人啱飲                        3個情況飲咖啡影響健康咖啡唔係人人啱飲 3個情況飲咖啡影響健康 剪傷指甲感染痛歸心   點剪指甲先正確?剪傷指甲感染痛歸心 點剪指甲先正確? 新年傳統正月唔買鞋   買新鞋過年4項注意新年傳統正月唔買鞋 買新鞋過年4項注意