入屋除鞋腳臭好尷尬 除腳臭要先知原因| likemagazine.com.hk
Beauty & Health
入屋除鞋腳臭好尷尬		除腳臭要先知原因

入屋除鞋腳臭好尷尬 除腳臭要先知原因

難得放假,約齊朋友玩一餐。去到人家屋企,除鞋入屋係禮貌。點知一除鞋,即時飄出異味來。朋友你眼望我眼,明明臭到冤,但個個死忍扮無事。咁嘅場面,你遇過嗎?唔想尷尬場面重複又重複,你知道點解決腳臭嗎?

 

汗水係發臭根源

解決問題前,先要知道問題喺邊度。一般嚟講,產生腳臭原因係足部汗腺分布過多,造成汗水分泌旺盛,加上著咗唔吸汗嘅襪和唔透氣嘅鞋,時間耐咗焗住對腳,汗水喺悶熱潮濕嘅環境下好易滋生細菌,甚至令部分鰴菌生長,因而產生臭味。除此之外,汗水裡有尿素和乳酸,都易產生臭味。兩者夾攻,腳臭更嚴重。除咗個人體質因素外,一啲疾病都會造成腳臭,例如香港腳、灰甲等。

 

慎選鞋襪

要改善腳臭,有病就要醫病。如果係自身問題,就要學識點樣預防腳臭。正如剛才所講,由於足部汗多,引致腳臭,所以要消滅腳臭,必要從保持腳部乾爽做起。首先,揀一對透氣嘅鞋係最直接方法。鞋履質料有好多,最忌選塑料質地,如仿皮、塑膠料。布料可取,都能疏氣,當中又以網布更好,因網布疏孔,有助鞋子通風。但著布鞋忌得要著襪,襪助吸汗,令腳部保持乾爽。揀選襪子,記住睇睇成分,質料以純棉為佳。市面上部分襪子,為造出美觀款式,使用了人造物料。人造物料不吸汗,腳更易臭。此外,返工或其他原因必要著皮鞋,建議選真皮,真皮透氣也吸汗。

 

梳打粉除鞋臭

慎選鞋襺外,要持久保持腳部乾爽,仲可以使用市面有售嘅腳臭噴霧。其成分有抑菌作用,防止鰴菌等繁殖。另外,亦有人會著鞋襪前灑爽身粉,減少排汗。若發現著耐咗嘅鞋臭味濃,天然方法可以喺鞋內灑啲梳打粉,能快速吸收鞋子內嘅汗水,達到除臭目的。

 

你或會有興趣的相關文章:

包到成隻糉手腳依然冰冷 中醫教按摩耳仔暖手腳

剪傷指甲感染痛歸心  點剪指甲先正確?

 

 

TEXT: MaryLin

相關文章
突然想打乞嚏但無紙巾│美國科普節目實測用手肘掩口鼻比手有效突然想打乞嚏但無紙巾│美國科普節目實測用手肘掩口鼻比手有效 三文魚顏色愈橙愈新鮮?         魚肉呈橙色因含呢種成分三文魚顏色愈橙愈新鮮? 魚肉呈橙色因含呢種成分 早餐第一口宜暖忌凍   理想早餐含3類食物早餐第一口宜暖忌凍 理想早餐含3類食物 飲能量飲品提神傷健康│工作累了飲杯水仲好飲能量飲品提神傷健康│工作累了飲杯水仲好 飛機坐經濟艙屈住坐周身痛│ 上機隨身帶網球鬆一鬆飛機坐經濟艙屈住坐周身痛│ 上機隨身帶網球鬆一鬆 開P忍唔住美食誘惑                   掌握飲食3招唔怕食肥開P忍唔住美食誘惑 掌握飲食3招唔怕食肥 食紅棗補血攝鐵量有限!         食紅棗補血攝鐵量有限! 瞓醒總覺周身痛│ 可能因為瞓覺無翻身!瞓醒總覺周身痛│ 可能因為瞓覺無翻身!