台婦人山水漱口吞水姪 行山安全計忌接觸野山水源| likemagazine.com.hk
Beauty & Health
台婦人山水漱口吞水姪	行山安全計忌接觸野山水源

台婦人山水漱口吞水姪 行山安全計忌接觸野山水源

新春活動有很多,追求健康嘅,可能會約埋齊友去行山。香港郊野景色優美,令人心曠神怡。行至林中見有清澈山溪,想大口飲啖試下山溪水嘅清甜嗎?山水望落清澈,但潛藏危機。喺台灣,有婦人因用山水漱口、洗臉,吞咗水蛭都唔知,直至有感喉嚨有異物及咳出血痰去求醫,先知大件事!雖然水蛭最後成功取出,但都嚇到婦人驚餐飽。

 

水姪寄生體內逾3星期

話說事件中嘅婦人,住喺茂林山區種植咖啡機。平時習慣用大水桶載山泉水,用嚟漱口、洗臉等。有日佢突然覺得喉嚨有啲怪,好似有異物卡住,而且咳出血痰,覺得唔尋常,於是去求醫。經檢查後,醫生喺佢上呼吸道聲門與氣管之間現活生生嘅水蛭,水蛭有10厘米長,寬都有1厘米。一般水蛭由幼蟲長至成蟲約需34星期。醫生按從婦人體內搵到嘅水蛭大小,估計水蛭已寄生超過星期。醫生用咗10分鐘先成功將水蛭取出。水蛭拎出嚟時仍然生猛,嚇親婦人。

 

接觸山水潛藏危機

水蛭生長喺山間溪水,幼蟲只有23毫米,肉眼好難見到。當飲用未經煲滾嘅溪水或山泉水,水蛭可能經鼻腔、副鼻竇進入人體,並以吸盤寄生。另外,水蛭亦可吸附人體皮膚,並釋放麻醉成分,令人唔易發現。水澗溪流除藏有水蛭外,也可存在血吸蟲。如果行山人士本身帶有傷口,接觸山溪水亦可感染弧菌,引致傷口出現發炎徵狀。近年大眾對行山露營等活動非常熱衷,但為安全計,行山時如非必要,最好唔好接觸野山水源。

 

 

 

你或會有興趣的相關文章:

長洲隱秘山徑,輕鬆2小時睇無敵山水靚景!周末好去處

夏行山澗

 

 

TEXT: MaryLin

相關文章
人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 熟齡人士咀嚼困難少食肉│增患肌少症手腳軟易跌倒熟齡人士咀嚼困難少食肉│增患肌少症手腳軟易跌倒 中年後手握力減弱│握力愈差反映健康出事中年後手握力減弱│握力愈差反映健康出事 40歲以後日曬後臉出斑│咪以為雀斑可能係老人斑40歲以後日曬後臉出斑│咪以為雀斑可能係老人斑 疫情回落防疫勿鬆懈│提防11個傳疫不良習慣疫情回落防疫勿鬆懈│提防11個傳疫不良習慣 日本人愛吃梅子消疲勞│梅子抗氧化助減重抗老日本人愛吃梅子消疲勞│梅子抗氧化助減重抗老 銀髮族每日行10分鐘│保持行動機能增記憶力銀髮族每日行10分鐘│保持行動機能增記憶力 食糖太多皮膚快老出皺紋│食品包裝聲稱要睇真食糖太多皮膚快老出皺紋│食品包裝聲稱要睇真