新年傳統正月唔買鞋 買新鞋過年4項注意| likemagazine.com.hk
Beauty & Health
新年傳統正月唔買鞋	買新鞋過年4項注意

新年傳統正月唔買鞋 買新鞋過年4項注意

農曆新年好快到。傳統上,正月唔買鞋,否則無運行。雖然無科學根據,但為意頭,好多人都會選擇過新年前買定新鞋。買新鞋,除咗講求款式靚、易襯衫外,其實最重要係舒服和啱腳。買錯鞋,著壞腳,引致足跟疼痛、足底筋膜炎等,自討苦吃。足部健康甚至影響全身新陳代謝和血液循環,著錯鞋,更可能牽連脊椎、腰部、背部及關節受損。所以挑選新鞋時,謹記留下以下4點!

 

1 包晒成隻腳

鞋履設計愈來愈創新,款式嘅嘢……有時真係估佢唔到,鞋未必係全包住對腳。或者你係走在潮流尖端嘅人,但靚與健康,你點揀先?要健康嘅話,無包覆性嘅鞋都係放棄罷啦!包覆係一種保護,同時幫你行路時穩住對腳,唔使用咁多力。

 

2 足夠支撐和吸震

鞋履有足夠支撐好重要,因為行路時步履穩健,對腳無咁易攰。買鞋時,要留意鞋跟有足夠支撐。有人經常行路扭親腳,除咗步姿有問題外,鞋履鞋跟太細或不穩固都可能令人行路就住就住,一唔小心就扭親。行路時,原來身體負重為體重嘅35倍,行得愈急愈快,負重愈多。所以買鞋時,要留意鞋墊有無緊貼腳部,軟厚係咪適中,有無承托效果。鞋履有足夠吸震力,有助減低行路壓力。因為行路時,腳與地面產生震動,如鞋履唔能夠吸震,長時間會影響脊椎,容易腰痛和腳痛。

 

3透氣唔焗腳

用來造鞋嘅物料有很多,建議唔好為貪靚,犧牲透氣度。著鞋外出,有時唔係短時間。對腳包喺對鞋裡面全日,如果唔夠透氣,好易有香港腳。一般而言,真皮嘅透氣度較高。另外鞋身若有透氣孔,著上腳都會感到較舒服。

 

4 大小適中

年尾買鞋,周圍大減價,部分真係平到無朋友。不過,賣得平,多數斷碼。有人因為鍾意個款,又想平價買到,不惜買大或買細一個鞋碼。重要事情講三次,唔好唔好唔好咁做,因為唔啱腳,影響步姿,影響足部健康。著太細太窄嘅鞋,腳趾要屈住,輕則行行下路抽筋,長期係咁,可能有拇趾外翻。女生最常見有拇趾外翻,除咗遺傳因素外,唔少因為高跟鞋設計通常鞋頭偏窄,長時間著,令腳趾變形。

 

 

 

你或會有興趣的相關文章:

常著高跟鞋腳痛又痺  一個網球緩減腳痛

 

TEXT: MaryLin

相關文章
唔夠人早搶到口罩...過期口罩用唔用得?唔夠人早搶到口罩...過期口罩用唔用得? 關節痛食豬腳以形補形?在家跳繩強肌健骨更好關節痛食豬腳以形補形?在家跳繩強肌健骨更好 樂齡人士食馬鈴薯攝鉀和抗性澱粉│穩定血壓控血脂保健康樂齡人士食馬鈴薯攝鉀和抗性澱粉│穩定血壓控血脂保健康 日夜戴口罩塊面勁出暗瘡         8個除暗瘡要點日夜戴口罩塊面勁出暗瘡 8個除暗瘡要點 研究證病毒在口罩表面存活7日│戴除口罩後記得要潔手研究證病毒在口罩表面存活7日│戴除口罩後記得要潔手 老友記常悶在家損健康                              3招鼓勵長者走出去老友記常悶在家損健康 3招鼓勵長者走出去 蔬果切開營養流失│冷凍蔬果保存更多營養蔬果切開營養流失│冷凍蔬果保存更多營養 經常易攰乏力無精神                   你可能缺少呢3種營養經常易攰乏力無精神 你可能缺少呢3種營養