患病多飲水快啲好? 補充蛋白質維他命C痊癒更快| likemagazine.com.hk
Beauty & Health
患病多飲水快啲好?		補充蛋白質維他命C痊癒更快

患病多飲水快啲好? 補充蛋白質維他命C痊癒更快

天氣變化大,氣溫戶暖還寒,出門時以為好熱少著件衫,點知夜晚返風,「攝一攝」冷傷風。每次患病,身邊常有人關懷咁講:準時食藥、多飲水,多休息,但係事實上多飲水可以令人快啲好嗎?原來飲水無法修復身體,最有效快速好番方法,原來係補充多啲蛋白質。

 

蛋白質加快復元

如果發病時有發燒、出汗等病徵,多飲水係正確嘅,因為要補充身體流失嘅水分。水係身體重要養分,水的確可以讓身體慢慢復元,不過時間較緩慢。如想加速痊癒,有營食師建議,多攝取蛋白質和食蔬果,例如進食蛤蜊湯、紅蘿蔔蘋果汁、雞湯蒸蛋等,可能更見效。

 

建議飲蛤蜊湯,由於海鮮係優質蛋白質嘅來源,能增加身體修復能力,而蛤蜊富含鋅,有助提升免疫力。加上烹調時加入老薑、蒜、洋葱等辛香料,有抗炎、抗氧化作用。至於紅蘿蔔蘋果汁,含有豐富紅蘿蔔素、維他命C等,幫助抗氧化。如再加入薑片,更有禦寒暖身之效,令感冒快啲好。坊間向來有病後飲雞精補身嘅做法,點解呢?因為雞精含有豐富水溶性胺基酸,人體吸收快,加快身體復元,增強免疫力。患感冒時食雞湯蒸蛋,可攝取蛋白質,雞蛋營養好,雙管齊下,令身體快速回復健康。

 

 

你或會有興趣的相關文章:

正確戴口罩先有保護力 咪再倒轉戴口罩

 

 

TEXT: MaryLin

相關文章
執笠倉尋寶好物推介│貓爪按摩棒消酸痛減腳腫執笠倉尋寶好物推介│貓爪按摩棒消酸痛減腳腫 冬天瑜伽|懶人暖身教學 冬天瑜伽|懶人暖身教學 新年暴食飽滯肚谷│4招舒緩飽滯不適新年暴食飽滯肚谷│4招舒緩飽滯不適