久坐唔止養出豪華臀 日坐8小時以上更易憂鬱 | likemagazine.com.hk
Beauty & Health
久坐唔止養出"豪華臀"	日坐8小時以上更易憂鬱

久坐唔止養出豪華臀 日坐8小時以上更易憂鬱

返工坐足成日,放工返到屋企又坐喺度睇電視和食飯,你有計過一日坐幾多個鐘嗎?日坐夜坐,缺乏運動,唔止坐出「豪華臀」和「豬腩肉」,更可能令你情緒變差,出現憂鬱和焦慮。

 

運動增愉悅感

曾有研究搵嚟43名每個星期工作30小時或以上嘅成年人作檢測,結果發現,平日每天久坐少於8小時比久坐超過8小時嘅人憂鬱和焦慮程度較低。學者表示,上班族由開工坐到收工,返到屋企又唔多郁,選擇靜態活動如睇電視、玩手機、用電腦上網等,沒有恰當與人互動,情緒易低落。相反,如果肯動起來,做有氧運動,時間愈耐,強度愈高,可刺激腦內啡、多巴胺等激素分泌,令人產生愉悅感受。長時間坐唔止影響心靈健康,身體如肩、頸、腰等都容易出現痠痛。

 

善用App提醒多郁動

上班族返工無辦法唔坐,點算好?首先要由調整坐姿入手,坐姿要端正,唔好彎起腰,減少肩頸腰等部位肌肉疲勞或受損。另外,即使坐喺度,都可不時進行簡單運動,例如扭下身、轉動手腕腳跟,伸展手腳、擴胸等,以免身體維持單一動作太耐而僵化,專注力下降,加重鬱悶感。當坐得太耐,自己覺得好奄悶時,起身行下去廁所或斟杯水,都有助改善情緒。科技年代,人人手機跟身,甚至有佩戴智能手表、運動手環等習慣,善用App,提醒坐得太耐嘅自己適時起身郁一郁,都可減低久坐而對身心健康嘅危害。

 

 

你或會有興趣的相關文章:

培養行路好習慣  輕鬆得到6個健康好處

每天6分鐘就得! 下半身瘦下來!瘦臀瘦腿練習

 

 

TEXT: MaryLin

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心