瞓前唔好玩手機 側身瞓住睇高危可致盲! | likemagazine.com.hk
Beauty & Health
瞓前唔好玩手機	側身瞓住睇高危姿勢可致盲!

瞓前唔好玩手機 側身瞓住睇高危可致盲!

手機成為好多人生活必需品,任何時候機不離手,連臨瞓前都要把握時間睇手機。瞓喺床睇手機,有時睇睇下會覺手酸,於是會整個人側身瞓,雖然姿勢舒服得多,不過原來對雙眼帶來危機。據悉喺英國,曾有兩位女生因為咁而令眼睛短暫失明,症狀持續20分鐘。

 

側睡壓住頸部血管

醫生警告,長時間側瞓睇手機,雙眼受極大壓迫力,有機會令兩眼視力偏差。另外,側睡姿勢壓住頸部血管,令腦部供血暫時減少。長時間維持呢個姿勢,你會發覺雙眼會有脹脹地感覺,嚴重甚至可能出現短暫性影像重疊,不但影響生活,如要治療都手尾長。

 

覺眼乾流眼水要停

側瞓睇手機,雙眼特別易攰。當你發覺雙眼莫名流眼水、乾澀、睇嘢變朦、眼眶痛等,即代表你對眼過度疲勞,係時候讓對眼休息唞下。否則堅持落去,可能引致眼乾症、飛蚊症等,自找麻煩。

 

藍光影響睡眠

其實,喺昏暗環境下睇手機,就算唔側瞓住睇,都影響眼睛健康。因為喺暗黑環境下睇嘢,瞳孔會放大,手機螢幕強光直射眼睛,長期會對眼睛造成永久傷害,導致黃斑點病變、白內障等。另外,手機發出嘅藍光,會抑制睡眠誘導激素褪黑素嘅產生,破壞我哋嘅晝夜節律,影響睡眠質素。

 

既然準備瞓覺,乖乖地熄咗部手機啦!臨瞓前兩小時唔好用電子產品,有助培養瞓覺休息嘅情緒,令你瞓得更好。

 

 

你或會有興趣的相關文章:

經常睇mon雙眼乾澀  熱敷消疲人工淚液潤眼

唔做運動因為無時間? 玩少啲手機就可做運動

 

 

TEXT: MaryLin

相關文章
周末冷峰到氣溫降│兩招保暖強身防病周末冷峰到氣溫降│兩招保暖強身防病 想減肥又懶做運動        打冷震15分鐘等於運動1個鐘想減肥又懶做運動 打冷震15分鐘等於運動1個鐘 罐頭食物唔健康?                        罐頭魚和番茄比天然食物更有營罐頭食物唔健康? 罐頭魚和番茄比天然食物更有營 入屋除鞋腳臭好尷尬                   除腳臭要先知原因入屋除鞋腳臭好尷尬 除腳臭要先知原因 用過嘅口罩亂丟易播菌│ 為人為己口罩要妥善處理用過嘅口罩亂丟易播菌│ 為人為己口罩要妥善處理 Party 後肌膚SOSParty 後肌膚SOS 火龍果低熱量高纖                        紅肉白肉營養大不同火龍果低熱量高纖 紅肉白肉營養大不同 大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」